368.54
ՀՀ նախագահ Ռոբերտ Քոչարյանն ընդունել է հայ-ռուսական միջխորհրդարանական հանձնաժողովի պատվիրակությանը
1 րոպեի ընթերցում
ԵՐԵՎԱՆ, 19 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ նախագահ Ռոբերտ Քոչարյանն այսօր ընդունել է հայ-ռուսական միջխորհրդարանական համագործակցության հանձնաժողովի համանախագահ, ՌԴ ԴԺ Դաշնության խորհրդի անդամ Նիկոլայ Ռիժկովի գլխավորած պատվիրակությանը: Ինչպես «Արմենպրեսե-ին տեղեկացրին ՀՀ նախագահի մամլո գրասենյակից կողմերը գոհունակությամբ ընդգծել են հայ-ռուսական համագործակցության ակտիվ ընթացքը: Նրանք որպես գործընկերության դինամիկ զարգացման արդյունք են գնահատել փաստը, որ ռուսական կապիտալը գնալով ընդլայնում է ներկայությունը Հայաստանում, մեծանում է երկկողմ ապրանքաշրջանառության ծավալը: Նիկոլայ Ռիժկովը հանրապետության նախագահին տեղեկացրել է նաեւ միջխորհրդարանական հանձնաժողովի աշխատանքների մասին` նշելով, որ դրանք անցնում են գործնական եւ բարեկամական մթնոլորտում:
Բաժանորդագրվեք մեր ալիքին Telegram-ում