1 րոպեի ընթերցում
ԹԵՀՐԱՆ, 21 ՀՈՒՆԻՍԻ, ԱՐՄԵՆՊՐԵՍ: Ռուսաստանը որեւիցե սպառնալիք չի տեսնում Իրանի կողմից: Այդ մասին հայտարարել է ՌԴ-ի արտաքին գործերի նախարար Սերգեյ Լավրովը՝ ելույթ ունենալով Թեհրանում կասպիական «հնգյակիե արտգործնախարարների հանդիպման արդյունքներին նվիրված մամուլի ասուլիսում: «Անհասկանալի է, թե ինչու է Եվրոպայում հակահրթիռային պաշտպանության ամերիկյան համակարգի տեղակայման պլաններն արդարացնելու համար օգտագործվում Իրանի կողմից վտանգի փաստարկը,-ընդգծել է նախարարը:-Ամերիկյան կողմի կասկածները հեշտությամբ կարող են փարատվել այն տեղեկատվության օգնությամբ, որն առկա է Ադրբեջանի Գաբալայի ռադիոտեղորոշման կայանումե: Սերգեյ Լավրովը հայտնել է, որ բոլոր այս պարզաբանումները ներկայացվել են Իրանի նախագահ Մահմուդ Ահմադինեժադին: «Ես իմ բարեկամ ու պաշտոնակից պարոն Մոթաքիին էլ եմ ասել այդ մասին, հնարավորություն եմ ունեցել դա ասել նաեւ Իսլամական Հանրապետության նախագահ Մահմուդ Ահմադինեժադինե,-հավելել է Լավրովը: «Մենք բացարձակապես չենք ցանկանում սպառազինությունների մրցավազքի վերսկսում, ուստիեւ ազնվորեն ու անկեղծորեն շարադրում ենք մեր դիրքորոշումը Եվրոպայում հակահրթիռային պաշտպանության ամերիկյան համակարգի տարրերի ծավալման նկատմամբե,-ընդգծել է ՌԴ-ի արտգործնախարարը: