1 րոպեի ընթերցում
ՄՈՍԿՎԱ, 11 ՄԱՐՏԻ, ԱՐՄԵՆՊՐԵՍ: Թեհրանը չունի այնպիսի հրթիռներ, որոնք կարողանան հարվածել Եվրոպային ու մանավանդ ԱՄՆ-ի տարածքին: Այդ մասին, ինչպես հաղորդում է «Արմենպրես»-ը, հայտարարում է ՌԴ-ի արտաքին գործերի նախարար Սերգեյ Լավրովը: Խոսելով Արեւելյան Եվրոպայում ամերիկյան հակահրթիռային պաշտպանության մասին, նա կոչ է արել չմոռանալ, որ 2020 թվականին այդ համակարգերը կկարողանան ռուսաստանյան միջմայրցամաքային բալիստիկ հրթիռներ խփել:
«Ակնհայտ փաստ է, որ ներկա պահին Իրանը չի սպառնում ոչ ԱՄՆ-ին, ոչ Եվրոպայի պետություններին: Դա նրան պարզապես ձեռնտու չէ: Բացի այդ, Թեհրանը չունի եւ տեսանելի ապագայում չի ունենա այնպիսի հրթիռներ, որոնք կարողանային հարվածել Եվրոպային, մանավանդ ԱՄՆ-ի տարածքին»,- ասել է Սերգեյ Լավրովը` պատասխանելով ՌԻԱ «Նովոստի»-ի օտարերկրյա կայքերի ընթերցողների հարցերին: