Ըստ Սերգեյ Լավրովի, ՄԱԿ-ի Անվտանգության խորհուրդը պետք է օգնի ՄԱԳԱՏԷ-ի հետ Իրանի համագործակցությանը
1 րոպեի ընթերցում
ՆՅՈՒ ԴԵԼԻ, 17 ՆՈՅԵՄԲԵՐԻ, ԱՐՄԵՆՊՐԵՍ: Ռուսաստանը դեմ է, որ ՄԱԿ-ի Անվտանգության խորհուրդը ՄԱԳԱՏԷ-ին փոխարինի իրանական միջուկային հիմնախնդրի կարգավորման գործում: «ՄԱԿ-ի Անվտանգության խորհուրդը պետք է հենց օգնի ապահովելու ՄԱԳԱՏԷ-ի հետ Իրանի համագործակցությունը, բայց չփոխարինի այդ կազմակերպությանը կարգավորման գործընթացումե,-ասել է ՌԴ-ի արտաքին գործերի նախարար Սերգեյ Լավրովը Հնդկաստանի իր պաշտոնակից Պրանաբ Մուկերջիի հետ բանակցություններից հետո կայացած մամուլի ասուլիսում: