1 րոպեի ընթերցում
ՄԱԿ, 18 ՍԵՊՏԵՄԲԵՐԻ, ԱՐՄԵՆՊՐԵՍ: Հումանիտար գործողություններ իրականացնելու համար գրեթե 5 մլրդ դոլարի չափով միջոցների դեýիցիտը ՄԱԿ-ին թույլ չի տալիս հարկավոր չափով օգնություն ցուցաբերել տասնյակ միլիոնավոր մարդկանց աշխարհի տարբեր երկրներում: Այդ մասին ՄԱԿ-ի գլխավոր քարտուղարի հումանիտար հարցերով տեղակալ Ջոն Հոլմսը հայտարարել է Նյու Յորքում կազմակերպության կենտրոնակայանում կայացած մամուլի ասուլիսում: Այդ կապակցությամբ նա դիմել է համաշխարհային հանրակցությանը` ինչպես պետություններին, այնպես էլ մասնավոր դոնորներին, խնդրելով անհապաղ փող հատկացնել հումանիտար օգնություն ցույց տալու համար: Այս տարի ՄԱԿ-ի հումանիտար հարցերի կոորդինացման վարչությունը դոնորներից 9,5 մլրդ դոլար է խնդրել, սակայն ստացել է այդ գումարի կեսից պակասը` մոտ 4,5 մլրդ դոլար: Հոլմսը նշել է, որ նոր ճգնաժամերը` ինչպես բնական, այնպես էլ քաղաքական պատճառներով պայմանավորված, մշտապես մեծացնում են այն միջոցների ծավալը, որոնք անհրաժեշտ են հումանիտար կարիքների համար, ուստի հարկ է եղել դոնորներից խնդրվող գումարը տարեսկզբին ծրագրվածի համեմատ ավելացնել 1,5 միլիարդ դոլարով: