ՀՀ ԱԺ նախագահ Արմեն Խաչատրյանի շնորհավորական ուղերձը Շառլ Ազնավուրի ծննդյան օրվա կապակցությամբ

ԵՐԵՎԱՆ, 21 ՄԱՅԻՍԻ, ԱՐՄԵՆՊՐԵՍ: Աշխարհահռչակ ýրանսահայ երգիչ Շառլ Ազնավուրի ծննդյան տարեդարձի կապակցությամբ շնորհավորական ուղերձ է հղել ՀՀ ԱԺ նախագահ Արմեն Խաչատրչյանը. «Տասնամյակներ շարունակ Ձեր անզուգական երգը հնչում է աշխարհի հանրահայտ բեմերից, հիացմունք պատճառելով միլիոնավոր մարդկանց ու աշխարհին ներկայացնելով իսկական արվեստ: Այսօր հայերին ճանաչում ու գնահատում են նաև Ձեր ու Ձեր ավեստի շնորհիվ, ուրեմն Ձեր ունեցած ներդրումը հայ ժողովրդի կյանքում ու երկրի պատմության մեջ անգնահատելի է: Դուք մշտապես եղել եք այնտեղ, ուր զգացել են Ձեր կարիքը, օգնել եք նյութապես, հոգեպես, երգով: Այսօր էլ Հայաստանում եք ու հայ ժողովրդի համար մեծագույն երջանկություն է աշխարհահռչակ իր հայրենակցի ծննդյան տարեդարձը շնորհավորել ու լավագույն ցանկությունները մաղթել հենց հայկական հողում: Սիրելի բարեկամ, շնորհավորում եմ Ձեր ծննդյան 79-ամյակը, մաղթում առողջություն ու տոկունության, թող Ձեր երգը շարունակի հնչել ու մարդկանց համար մնալ որպես բարձրագույն արվեստի խորհրդանիշե: