Սերգեյ Լավրովը սադրանք է համարել Ռուսաստանի կողմից Բուշերի ատոմային էլեկտրակայանում աշխատանքների հնարավոր դադարեցման վերաբերյալ տեղեկատվությունը
1 րոպեի ընթերցում
ՌԱՄԱԼԼԱՀ, 8 ՍԵՊՏԵՄԲԵՐԻ, ԱՐՄԵՆՊՐԵՍ: ՌԴ-ի արտաքին գործերի նախարար Սերգեյ Լավրովը սադրանք է համարել Ռուսաստանի կողմից Բուշերի ատոմային էլեկտրակայանում աշխատանքների հնարավոր դադարեցման վերաբերյալ տեղեկատվությունը, եթե Իրանը երկրից արտաքսի ՄԱԳԱՏԷ-ի տեսուչներին: «Դա ոչ թե տեղեկատվություն է, այլ բացահայտ սադրանք: Քիչ չեն նրանք, ովքեր ցանկանում են տարբեր կողմերից սրել իրանական միջուկային ծրագրի շուրջ ստեղծված իրադրությունըե,-ասել է Լավրովը՝ պատասխանելով ՌԻԱ «Նովոստիե-ի այն հարցին, թե որքանով է Բուշերի ատոմակայանում աշխատանքների հնարավոր դադարեցման մասին տեղեկատվությունը իրապես համապատասխանում Ռուսաստանի դիրքորոշմանը: Ռուսաստանի բանակցային շրջանների մի աղբյուր անունը չհայտնելու պայմանով այսօր լրագրողներին հայտնել է, որ Իրանի դեմ պատժամիջոցների կիրառման կամ երկրից ՄԱԳԱՏԷ-ի տեսուչների արտաքսման դեպքում Ռուսաստանը կարող է դադարեցնել Բուշերի ատոմային էլեկտրակայանի շինարարությունը: