368.54
Գարեգին Բ Ամենայն Հայոց Կաթողիկոսը պարգեւատրվել է ՀՀ ԱԺ պատվոմեդալով
1 րոպեի ընթերցում
ԵՐԵՎԱՆ, 21 ՕԳՈՍՏՈՍԻ, ԱՐՄԵՆՊՐԵՍ: Ազգային ժողովի նախագահ Հովիկ Աբրահամյանն այսօր այցելել է Մայր Աթոռ Սբ. Էջմիածին` Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի ծննդյան 58-րդ տարեդարձը շնորհավորելու նպատակով: Ինչպես «Արմենպրեսե-ին տեղեկացրին ՀՀ ԱԺ հասարակայնության հետ կապերի վարչությունից, հանդիպման ընթացքում պրն Աբրահամյանը Ազգային ժողովի պատվո մեդալ է հանձնել Վեհափառ Հայրապետին` Հայաստանյայց Առաքելական Սուրբ Եկեղեցու, հայ ժողովրդի հոգեւոր կյանքում բացառիկ առաքելության, նրա ազգային մշակույթի զարգացման եւ ազգային ինքնության պահպանման գործում ունեցած ներդրումների եւ ակնառու նվաճումների համար:
Բաժանորդագրվեք մեր ալիքին Telegram-ում