368.54
ՀՀ նախագահ Ռոբերտ Քոչարյանն ընդունել է Հարավային Կովկասում ԵՄhատուկ ներկայացուցիչ Փիթեր Սեմնեբիին
1 րոպեի ընթերցում
ԵՐԵՎԱՆ, 18 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ նախագահ Ռոբերտ Քոչարյանն այսօր ընդունել է տարածաշրջանային այցի շրջանակում Հայաստանում գտնվող Հարավային Կովկասում Եվրամիության hատուկ ներկայացուցիչ Փիթեր Սեմնեբիին: Ինչպես «Արմենպրեսե-ին տեղեկացրին ՀՀ նախագահի մամլո գրասենյակից, կողմերը քննարկել են ԵՄ-Հայաստան հարաբերությունները` անդրադառնալով Եվրոպական հարեւանության քաղաքականության շրջանակում ստորագրված Գործողությունների ծրագրին: Հանրապետության նախագահը նշել է, որ հաջորդ տարվանից Եվրամիության հետ հարաբերությունները մտնում են շատ ավելի համակարգված փուլ եւ հույս է հայտնել, որ մեկնարկը հաջող կլինի: Ըստ Ռոբերտ Քոչարյանի` ներկայում փորձ է արվում Գործողությունների ընդհանուր ծրագրից առանձնացնել հաջորդ տարվա հիմնական գերակայությունները եւ հստակեցնել Եվրահանձնաժողովի հետ աշխատանքի մեխանիզմները: Հանրապետության նախագահը եւ ԵՄ հատուկ ներկայացուցիչը խոսել են նաեւ ղարաբաղյան խնդրի կարգավորման բանակցությունների վերջին զարգացումների, Ղարաբաղում անցկացված սահմանադրական հանրաքվեի մասին: Զրուցակիցներն անդրադարձել են նաեւ առաջիկա խորհրդարանական ընտրություններին` կարեւորելով դրա անցկացումը միջազգային չափանիշներին համապատասխան:
Բաժանորդագրվեք մեր ալիքին Telegram-ում