1 րոպեի ընթերցում
ՎԱՐՇԱՎԱ, 12 ՍԵՊՏԵՄԲԵՐԻ, ԱՐՄԵՆՊՐԵՍ: ՌԴ-ի արտաքին գործերի նախարար Սերգեյ Լավրովը հայտարարել է, որ Ռուսաստանը դեմ է այս կամ այն երկրներին արհեստականորեն ՆԱՏՕ ներքաշելուն: «Դրա համար ոչ մի իրական պատճառ չկա, տեսնում ենք, որ այդ գործողությունները խախտում են անվտանգության միջազգային սկզբունքները: Մանավանդ վնասակար է այս կամ այն երկրին արհեստականորեն ՆԱՏՕ խցկելըե,- ասել է նախարարը հինգշաբթի օրը Վարշավայում կայացած մամուլի ասուլիսում ի պատասխան ՆԱՏՕ-ին անդամակցելու գործողությունների ծրագրին Ուկրաինայի եւ Վրաստանի միանալու պլանների նկատմամբ Մոսկվայի վերաբերմունքը մեկնաբանելու խնդրանքին: Լավրովը նշել է, որ ամերիկացի գործընկերները շատ բարձր մակարդակով իրեն քանիցս հայտարարել են, որ «եթե Վրաստանի ղեկավարությունը որոշի ուժ կիրառել Հարավային Օսիայի նկատմամբ, նա ինքը խաչ կդնի ՆԱՏՕ-ին իր անդամակցելու վրաե: