368.54
ՀՀ նախագահ Ռոբերտ Քոչարյանը շնորհավորական ուղերձ է հղել ԼՂՀղեկավարությանն ու արցախցիներին Սահմանադրության ընդունման կապակցությամբ
2 րոպեի ընթերցում
ԵՐԵՎԱՆ, 11 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ նախագահ Ռոբերտ Քոչարյանն այսօր շնորհավորական ուղերձ է հղել ԼՂՀ ղեկավարությանն ու արցախցիներին համաժողովրդական քվեարկությամբ Սահմանադրության ընդունման կապակցությամբ: Ինչպես «Արմենպրեսե-ին տեղեկացրին ՀՀ նախագահի մամլո գրասենյակից, ուղերձում ասված է. «Շնորհավորում եմ Լեռնային Ղարաբաղի Հանրապետության ղեկավարությանը եւ արցախցիներին համաժողովրդական քվեարկությամբ Սահմանադրության ընդունման կապակցությամբ: Հանրաքվեին իր կազմակերպված եւ գործուն մասնակցությամբ Արցախի ժողովուրդը մեկ անգամ եւս հաստատեց ազատ ապրելու իր վճռականությունը: Ժողովրդավարության ամենաբարձր չափանիշներին համապատասխան անցած այս հանրաքվեն եւս մեկ հիմնաքար դրեց Լեռնային Ղարաբաղի պետականության կայացման գործում: Անկախության հռչակման առաջին օրվանից Լեռնային Ղարաբաղի Հանրապետությունը որդեգրեց ժողովրդավարական զարգացման ուղին: Դա բազմիցս ապացուցվել է ազատ եւ արդար ընտրություններով: Սահմանադրության հանրաքվեն ոչ միայն շարունակեց կամքի ազատ արտահայտման բարի ավանդույթը, այլեւ հնարավորություն ընձեռեց ամրագրել ժողովրդավարության կանոնները երկրի հիմնական օրենքում: Շնորհավորելով ողջ հայությանը Արցախում կայացած հանրաքվեի կապակցությամբ` մաղթում եմ Լեռնային Ղարաբաղի Հանրապետությանը բարօրություն, խաղաղություն եւ կայուն զարգացումե:
Բաժանորդագրվեք մեր ալիքին Telegram-ում