ՀՀ նախագահ Ռոբերտ Քոչարյանն ընդունել է Պետական դումայի նախագահ Բ. Գրիզլովին եւ նրա գլխավորած պատվիրակությանը
2 րոպեի ընթերցում
ԵՐԵՎԱՆ, 29 ՀՈՒՆՎԱՐԻ, ԱՐՄԵՆՊՐԵՍ: ՀՀ նախագահ Ռոբերտ Քոչարյանն այսօր ընդունել է ՌԴ Դաշնային ժողովի Պետական դումայի նախագահ Բորիս Գրիզլովին եւ նրա գլխավորած պատվիրակությանը: Ինչպես «Արմենպրեսե-ին տեղեկացրին ՀՀ նախագահի մամլո գրասենյակից, հանրապետության նախագահը շնորհավորել է Բորիս Գրիզլովին` 2007թ. դեկտեմբերին ՌԴ խորհրդարանական ընտրություններում նրա ղեկավարած «Եդինայա Ռոսիաե կուսակցության համոզիչ հաղթանակի առթիվ: Երկուստեք կարեւորվել է «Եդինայա Ռոսիաե եւ Հայաստանի Հանրապետական ու «Բարգավաճ Հայաստանե կուսակցությունների միջեւ ստորագրված համաձայնագիրը, որով միջկուսակցական փոխգործակցությունը ձեռք է բերում ավելի գործնական ու համակարգված բնույթ: Խոսելով հայ-ռուսական գործընկերության զարգացման մասին, երկրի ղեկավարը գոհունակությամբ նշել է, որ երկկողմ տնտեսական կապերը դարձել են հայ-ռուսական համագործակցության շարժիչ ուժը, ինչի արդյունքում ռուսական կապիտալը ներգրավվել է Հայաստանի տնտեսության բազմաթիվ ոլորտներում: Նա հատկապես շեշտել է էներգետիկայի, տրանսպորտի բնագավառում դինամիկ զարգացող գործակցությունը: Պետական դումայի նախագահի խոսքով, տարբեր կանխատեսումներով 2008-ին երկու երկրների միջեւ ապրանքաշրջանառությունը կհասնի մեկ միլիարդ ԱՄն դոլարի, ինչը կլինի որակական նոր մակարդակ: Հանդիպման ժամանակ կողմերն անդրադարձել են նաեւ միջազգային կառույցների շրջանակում երկու երկրների խորհրդարանականների համագործակցությանը: