ԱՄՆ-ն մտադիր է Կիևի և Եվրոպայի հետ միասնական դիրքորոշում համաձայնեցնել խաղաղության հարցում. Քուշներ

2 րոպեի ընթերցում

ԱՄՆ-ն մտադիր է Կիևի և Եվրոպայի հետ միասնական դիրքորոշում համաձայնեցնել Ուկրաինայում կայուն խաղաղության հաստատման հիմնական պայմանների շուրջ։ «Արմենպրես»-ի փոխանցմամբ՝ այս մասին հայտարարել է ԱՄՆ նախագահի բանագնաց և փեսա Ջարեդ Քուշները։

Նա նշել է, որ ԱՄՆ հատուկ բանագնաց Սթիվ Ուիթքոֆի հետ մեկնում է Բեռլին՝ Ուկրաինայի նախագահ Վոլոդիմիր Զելենսկու և Եվրոպայի ղեկավարների հետ բանակցություններ վարելու «Կամեցողների կոալիցիայի» երկրների հանդիպման շրջանակում։

«Այս ուղևորության ընթացքում մեր առաջնահերթություններն են ավելի սերտորեն համակարգել գործողություններն Ուկրաինայի և Եվրոպայի հետ, աշխատել տևական խաղաղության առանցքային տարրերի շուրջ միասնական դիրքորոշման մշակման վրա և համատեղ պատրաստել օրակարգն ու առաջարկել բազմակողմ բանակցությունների հաջորդ փուլի ձևաչափը», - գրել է Քուշները X հարթակում։

Նա հավելել է, որ հանդիպմանը կքննարկվի նաև, թե ինչպես կարող է «Կամեցողների կոալիցիան» նպաստել պատերազմից հետո անվտանգության մեխանիզմների ձևավորմանը, այդ թվում՝ «Ուկրաինայի անվտանգության հուսալի երաշխիքների ապահովմանը և ավելի լայն շրջանակի ստեղծմանը, որը կամրապնդի Եվրոպայի կայունությունը և կնվազեցնի ապագա հակամարտությունների վտանգը»։

Աբու Դաբիում նոյեմբերի 10-11-ին կայացել են եռակողմ բանակցություններ ԱՄՆ-ի, Ուկրաինայի և Ռուսաստանի թիմերի միջև։ Նոյեմբերի 12-ին Ուիթքոֆն ու Քուշները մեկնել են ՌԴ՝ նախագահ Վլադիմիր Պուտինի հետ հանդիպման։ Այնուհետև նույն օրը նրանք Դուբլինում հանդիպել են Վոլոդիմիր Զելենսկու հետ և խորհրդակցություններ անցկացրել Ուկրաինայի, Եվրամիության, Գերմանիայի, Իտալիայի, Ֆրանսիայի, Իռլանդիայի և Լեհաստանի ազգային անվտանգության հարցերով խորհրդականների հետ։

Հայերեն Русский

ԱՄՆ-ն մտադիր է Կիևի և Եվրոպայի հետ միասնական դիրքորոշում համաձայնեցնել խաղաղության հարցում. Քուշներ

Երևանում կկայանա միջազգային ջազային ֆորում, որտեղ կներկայացվի ակումբների միջև փոխանակման հարթակ

Սի-Թրամփ-Պուտին հանդիպումն ավարտվել է

Հեղափոխությունից հետո 9.1 միլիարդ դոլար լրացուցիչ մուտքեր ենք ունեցել պետական բյուջե․ Նիկոլ Փաշինյան

Սի Ծինփինը կոչ է արել ամբողջությամբ վերացնել միջուկային զենքը

Լիտվան և Լեհաստանը կամրապնդեն Բալթիկ ծովի տարածաշրջանում գազային ենթակառուցվածքների պաշտպանությունը

Քրիստինե Վարդանյանի խոսքով՝ ընդդիմությունը չի ընդունում Սահմանադրության հանրաքվեի վերաբերյալ վարչապետի առաջարկը

Բրիտանիան ավելի քան 1000 հեռահար հարվածային ԱԹՍ կտրամադրի Ուկրաինային

Նիկոլ Փաշինյանը նշեց նոր Սահմանադրությամբ Անվտանգության խորհուրդը լուծարելու հիմնավորումը

ԻՀՊԿ-ն հայտնել է, որ Հորմուզի նեղուցում 3 լցանավ է պայթել ականների վրա