Հեղափոխությունից հետո 9.1 միլիարդ դոլար լրացուցիչ մուտքեր ենք ունեցել պետական բյուջե․ Նիկոլ Փաշինյան

2 րոպեի ընթերցում

Հայաստանի վարչապետ Նիկոլ Փաշինյանը հայտարարել է, որ 2018 թվականին տեղի ունեցած ոչ բռնի, թավշյա, ժողովրդական հեղափոխությունից հետո 9.1 միլիարդ դոլար լրացուցիչ մուտքեր են եղել պետբյուջե։

«Արմենպրես»-ի փոխանցմամբ՝ այս մասին վարչապետն ասել է Կառավարության հերթական նիստում՝ անդրադառնալով ապօրինի գույքի վերադարձի համակարգի աշխատանքին։

«Նոր-նոր լիարժեք և ամբողջությամբ թափ է ստանում ապօրինի գույքի վերադարձի համակարգը։ Պետք է ուրախությամբ արձանագրեմ, որ, ըստ էության, համակարգը կայացած է`  չնայած սա չի նշանակում, որ համակարգն անթերի է։ Այս թեմայով նախօրեին էլ խորհրդարանում շատ կարևոր քննարկում տեղի ունեցավ։ Նախօրեի քննարկումները շատ կարևոր եմ համարում, որովհետև ի հայտ եկավ հանրապետության թիվ մեկ բարերարի թեման։ Ես կարծում եմ՝ մենք այդտեղ էլ ճիշտ տեղ հասանք, որովհետև կրկին ուզում եմ ընդգծել, որ Հայաստանի Հանրապետության թիվ մեկ բարերարը Հայաստանի կառավարությունն է և քաղաքական մեծամասնությունը։

2018 թվականի ոչ բռնի, թավշյա, ժողովրդական հեղափոխությունից հետո այսօրվա դրությամբ ճշգրտված տվյալների համաձայն՝ 9.1 միլիարդ դոլար լրացուցիչ մուտքեր ենք ունեցել պետական բյուջե։ Սա այն 9.1 միլիարդն է, որը գողացված էր՝ առնվազն մի շատ էական մասը, որի չնչին տոկոսներով ժամանակին մարդիկ տուկի թել, բրինձ, ատամի պրոթեզ էին բաժանում։ Այդ ամենն արվում էր գողացածի շուրջ բարերարության ծխածածկույթ ստեղծելու համար։ Այժմ շատ լավ է և կարևոր է, որ մեր իրավապահ համակարգը սկսել է ժողովրդի տված մանդատի շրջանակում արդյունավետ գործել, և, այո, ասում եմ առանց սեթևեթանքի՝ մարդիկ գտնում են իրենց արժանի տեղը, և հույս ունեմ, որ մեր հարգելի դատական համակարգն արդարադատություն կիրականացնի»,- ասել է Նիկոլ Փաշինյանը։

Հայերեն English

Հեղափոխությունից հետո 9.1 միլիարդ դոլար լրացուցիչ մուտքեր ենք ունեցել պետական բյուջե․ Նիկոլ Փաշինյան

Սի Ծինփինը կոչ է արել ամբողջությամբ վերացնել միջուկային զենքը

Լիտվան և Լեհաստանը կամրապնդեն Բալթիկ ծովի տարածաշրջանում գազային ենթակառուցվածքների պաշտպանությունը

Քրիստինե Վարդանյանի խոսքով՝ ընդդիմությունը չի ընդունում Սահմանադրության հանրաքվեի վերաբերյալ վարչապետի առաջարկը

Բրիտանիան ավելի քան 1000 հեռահար հարվածային ԱԹՍ կտրամադրի Ուկրաինային

Նիկոլ Փաշինյանը նշեց նոր Սահմանադրությամբ Անվտանգության խորհուրդը լուծարելու հիմնավորումը

ԻՀՊԿ-ն հայտնել է, որ Հորմուզի նեղուցում 3 լցանավ է պայթել ականների վրա

Չինաստանում մեկնարկել է Սի-Պուտին-Թրամփ եռակողմ գագաթնաժողովը

ՀՀ կառավարության 5-ամյա գործունեության միջոցառումներից է Թուրքիայի հետ հարաբերությունների ամբողջական կարգավորումը և սահմանների բացումը

Բարձր կատարողական ունեցող դպրոցները կկարողանան տարեկան մինչև 10 միլիոն դրամ լրացուցիչ աջակցություն ստանալ