Իրանի միջուկային արդյունաբերության դեմ պատժամիջոցներն ու հարձակումները չեն կասեցրել երկրի առաջընթացը․ Իրանի ատոմային էներգիայի կազմակերպության ղեկավար
1 րոպեի ընթերցում
Իրանի ատոմային էներգիայի կազմակերպության (ԻԱԷԿ) ղեկավար Մոհամմադ Էսլամին հայտարարել է, որ երկրի միջուկային արդյունաբերության դեմ կիրառվող պատժամիջոցները, սպառնալիքներն ու հարձակումները չեն կարողացել կասեցնել Իրանի առաջընթացը առողջապահության ոլորտում։«Արմենպրես»-ի փոխանցմամբ՝ այս մասին հայտնում է IRNA գործակալությունը։
Հոկտեմբերի 8-ին ելույթ ունենալով մանկական քաղցկեղի ախտորոշման և բուժման կենտրոնի բացման արարողության ժամանակ՝ Էսլամին նշել է, որ ԻԱԷԿ-ն առողջապահությունը և սննդի անվտանգությունը համարում է երկրի զարգացման ռազմավարական ուղղություն։
«Մենք հպարտ ենք, որ կարողանում ենք շարունակել առաջընթացի ճանապարհը՝ չնայած երկրի միջուկային արդյունաբերության նկատմամբ բոլոր ճնշումներին, պատժամիջոցներին, սպառնալիքներին և հարձակումներին։
Չնայած այս հանգամանքներին՝ մեր գործընկերներին հաջողվել է հաջողությամբ իրականացնել իրենց առաքելությունը և պահպանել երկրի առաջընթացը գիտության առաջնագծում»,- ասել է նա։
Նրա խոսքով` «Իրանն ընդլայնել է իր ռադիոդեղագործական արտադրանքի տեսականին՝ հավասարվելով առաջատար երկրներին»։