361.81
Գեղարքունիքի մարզպետ Կարեն Սարգսյանը խրախուսեց մարզի մի խումբ մանկավարժների
2 րոպեի ընթերցում
Գեղարքունիքի մարզպետ Կարեն Սարգսյանն Ուսուցչի օրվա կապակցությամբ ընդունեց ու խրախուսեց մարզի հանրակրթական դպրոցների 23 մանկավարժների, ովքեր անթերի ու լավագույն կողմերով են կատարել իրենց աշխատանքային պարտականությունները։
«Արմենպրես»-ի տեղեկացմամբ՝ հանդիպման սկզբում Կարեն Սարգսյանը ողջունեց ու մասնագիտական տոնի առիթով շնորհավորեց մանկավարժներին՝ նրանց մաղթելով քաջառողջություն, անձնական ու աշխատանքային հաջողություններ։
Մարզպետը ներկայացրեց մարզում իրականացված ու ընթացող դպրոցաշինական ծրագրերը, այս ուղղությամբ նախատեսվող նոր ծրագրերը, շեշտելով, որ ՀՀ կառավարության ուշադրության կենտրոնում են գտնվում կրթության ոլորտի բարեփոխումներն ու աշխատանքային միջավայրի բարելավման հետ կապված բոլոր խնդիրները։
Հանդիպմանը հրավիրված մանկավարժները, շնորհակալություն հայտնելով գնահատանքի ու խրախուսման համար, միաժամանակ հանդես եկան մի շարք առաջարկություններով ու հարցերով, խոսեցին մանկավարժական փորձի փոխանակման, կամավոր ատեստավորման արդյունքների, համագործակցության ծրագրերի ու առաջնահերթ այլ հարցերի շուրջ։
Հանդիպման ավարտին մարզպետ Կարեն Սարգսյանը Գեղարքունիքի մարզպետի շնորհակալագրով խրախուսեց հրավիրված մանկավարժներին՝ ցանկանալով բեղմնավոր ու ձեռքբերումներով լի աշխատանքային հաջողություններ։
Խոսրով Խլղաթյան
Բաժանորդագրվեք մեր ալիքին Telegram-ում