Պենտագոնը 20 մլրդ դոլարի պայմանագիր է կնքել Boeing-ի հետ՝ վեցերորդ սերնդի կործանիչների արտադրության համար

3 րոպեի ընթերցում

ԱՄՆ պատերազմի նախարարությունը հայտարարել է Boeing ընկերության հետ 20 միլիարդ դոլարի պայմանագիր կնքելու մասին՝ վեցերորդ սերնդի F/A-XX տախտակամածային սթելս տիպի կործանիչներ արտադրելու համար, որոնցով 2030-ական թվականներից սկսած կհանդերձվեն ամերիկյան ավիակիրները։ «Արմենպրես»-ի փոխանցմամբ՝ այս մասին նշված է Պենտագոնի տարածած հաղորդագրության մեջ:

Ըստ գերատեսչության՝ F/A-XX կործանիչը կփոխարինի ԱՄՆ-ի ռազմածովային ուժերի հնացած F/A-18E/F Super Hornet և EA-18G Growler կործանիչներին և կշահագործվի հինգերորդ սերնդի F-35C տախտակամածային կործանիչի հետ համատեղ։

«F/A-XX-ն առանցքային նշանակություն ունի ուժի միջոցով խաղաղությունը պահպանելու մեր ջանքերում։ F/A-XX-ը գերակայություն կապահովի վիճելի օդային տարածքում, կընդլայնի գործառնական հնարավորությունները և կապահովի վճռորոշ մարտական ​​առավելություն», - հայտարարել է Պատերազմի նախարարի՝ սպառազինությունների ձեռքբերման և սպասարկման գծով տեղակալ Մայքլ Դաֆին։

«Վեցերորդ սերնդի կործանիչը բեկումնային նշանակություն ունի օդում գերիշխանություն ունենալու հարցում։ Այն աշխարհի լավագույն օդաչուներին աննախադեպ հնարավորություններով կապահովի մարտական ​​գործողություններ անցկացնելու, հաղթանակի և անվտանգ տուն վերադառնալու համար։ Մենք ուրախ ենք Boeing-ի հետ համագործակցելու և այն բանի համար, որ մեր զինծառայողները կկարողանան հետագայում ևս գերիշխել երկնքում և հաղթել մեր երկրի թշնամիներին», - հայտարարել է ռազմածովային ուժերի նախարարի պաշտոնակատար Հունգ Կաոն։

Այս նոր սերնդի հարվածային կործանիչը՝ F/A-XX-ը, տասնամյակներ շարունակ կապահովի օդային տարածքի անվտանգությունը և ուժի միջոցով խաղաղություն կբերի, հավելել է ԱՄՆ պատերազմի նախարարությունը։

Պենտագոնը չի հաղորդել ձեռք բերվող ինքնաթիռների քանակի և տեխնիկական տվյալների մասին, որոնք գաղտնի են համարվում, ինչպես նաև շահագործման հանձնելու կոնկրետ ժամկետների մասին։

Միևնույն ժամանակ ռազմական վերլուծաբանները կարծում են, որ ԱՄՆ ռազմածովային ուժերի կողմից Boeing-ի ընտրությունը, որը NGAD (Next Generation Air Dominance) ծրագրի շրջանակներում ԱՄՆ ռազմաօդային ուժերի համար ակտիվորեն մշակում է վեցերորդ սերնդի F-47 կործանիչը, կարող է արագացնել F/A-XX-ի ստեղծման գործընթացը և ավելի արագացնել դրա արտադրությունը։

Հայերեն Русский

ՀՀ պաշտպանության նախարարի տեղակալն այցելել է մի շարք զորամասեր

Ռազմական ոստիկանության պետն աշխատանքային խորհրդակցություն է անցկացրել

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հայաստանում առաջիկա օրերին սպասվում են տեղումներ, օդի ջերմաստիճանը զգալիորեն կնվազի

Արմավիրի մարզի մի շարք բնակավայրերում փորձարկվելու են էլեկտրական շչակներ

Փրկարարներն արձագանքել են քամու հետևանքով գրանցված դեպքերին

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ

Ինչու են մայրամուտի և արևածագի ժամանակ ամպերը կարմիր կամ կարմրանարնջագույն երանգ ստանում․ մանրամասնում է Գագիկ Սուրենյանը

Հայաստանն ու Իրանը քննարկել են բարձր տեխնոլոգիաների ոլորտում համագործակցությունը զարգացնելու հեռանկարները

Հայաստանի ֆուտբոլի ֆեդերացիայի նախագահի պաշտոնի համար կպայքարեն Գևորգ Ղազարյանն ու Դենիս Ջորկաեֆը