Հունգարիայի խորհրդարանը քվեարկել է վարչապետ Մադյարին անձեռնմխելիությունից զրկելու օգտին

2 րոպեի ընթերցում

Հունգարիայի խորհրդարանը դատախազության պահանջով քվեարկել է վարչապետ Պետեր Մադյարի պատգամավորական անձեռնմխելիությունը դադարեցնելու օգտին։ Ինչպես հաղորդում է «Արմենպրես»-ը՝ վկայակոչելով Associated Press լրատվական գործակալությունը, Մադյարից բացի դատախազության պահանջով անձեռնմխելիությունից զրկվել են նաև երկու պատգամավոր։

Վարչապետ Մադյարին կասկածում են հեռախոս գողանալու մեջ։

2024 թվականի հունիսին Մադյարը, ով դեռ վարչապետ չէր, լեզվակռվի մեջ է մտել Բուդապեշտի ակումբներից մեկի այցելուի հետ։ Այն բանից հետո, երբ տղամարդը հեռախոսով նկարել էր քաղաքական գործչին, Մադյարը նրանից խլել էր սարքը, դրել իր գրպանը, իսկ ավելի ուշ՝ նետել Դանուբ գետը։

Այդ ժամանակ Մադյարը եվրապատգամավոր էր, սակայն ի պատասխան իրավապահ մարմինների միջնորդության, ԵԽ-ն մերժել էր նրան անձեռնմխելիությունից զրկելու պահանջը։ Հետագայում, երբ նա 2026 թվականի մայիսին դարձավ հունգարական խորհրդարանի անդամ, դատախազությունը որոշեց քաղաքական գործչին զրկել անձեռնմխելիությունից՝ արդեն հենց երկրում հետաքննությունը վերսկսելու համար։

Քվեարկությունից առաջ Մադյարը խորհրդարանի պատգամավորներին ասել է, որ «հանցագործություն չի կատարել» և «պատասխանատվություն է կրում իր բոլոր գործողությունների համար»։

«Ով թաքցնելու ոչինչ չունի, բացահայտ ներկայանում է», — ասել է նա՝ անդրադառնալով իր ավելի վաղ հնչեցրած կոչին, որ իր կուսակցության պատգամավորները կողմ քվեարկեն իր անձեռնմխելիությունը վերացնելուն։

Մադյարը հերքել է, որ իր գործողությունները գողություն են եղել, և գործը, որի շրջանակում պատճառված վնասը գնահատվում է 300 դոլարից փոքր-ինչ ավելի, անվանել է քաղաքական դրդապատճառներով հարուցված։

Հայերեն Русский

Խափանվել է ԱՄՆ Ազգային անվտանգության գործակալության գաղտնի կապի համակարգը․ լրատվամիջոց

Կայացել է «Հարավկովկասյան երկաթուղու» կառավարման արդյունավետության հետ կապված խնդիրները քննարկելու նպատակով ստեղծված աշխատանքային խմբի առաջին հանդիպումը

ԱՄՆ-ում դադարեցրել են երթուղիչների տեղադրումը՝ օդային հաղորդակցության համակարգում խափանումից հետո․ լրատվամիջոց

«Ֆոտոլուր»-ը հաղթել է հեղինակային իրավունքի խախտման առնչությամբ դատական գործում

Միացյալ Նահանգները նախատեսում է մինչև դեկտեմբեր որոշում կայացնել Եվրոպայում իր զորքերի ներկայության վերաբերյալ

Եմենում առնվազն 9 մարդ է զոհվել արաբական դաշինքի հասցրած հարվածներից

Միրզոյանն ամփոփել է Բրյուսել աշխատանքային այցը

Ազգային ժողովի Հայաստան-Ֆինլանդիա, Նորվեգիա բարեկամական խմբի անդամները հանդիպել են ՀՀ-ում Ֆինլանդիայի դեսպանին

Հաագայի դատարանը հերթական դատավճիռն է կայացրել Կոսովոյի ալբանացի զինյալների նախկին առաջնորդի նկատմամբ

Ուժեղ պայթյուն է որոտացել իրանական Քեշմ կղզու մոտակայքում