1 րոպեի ընթերցում
Եվրամիությունը պետք է մեծ մասամբ կենտրոնանա ոչ թե Ռուսաստանի դեմ լրացուցիչ պատժամիջոցներ սահմանելու, այլ արդեն համաձայնեցված միջոցների արդյունավետությունն ապահովելու վրա: «Արմենպրես»-ի փոխանցմամբ՝ այս մասին հայտարարել է Եվրահանձնաժողովի նախագահ Ուրսուլա ֆոն դեր Լայենը Եվրոպական միության վիճակի մասին իր ամենամյա ելույթում, որը հեռարձակվել է Եվրոպական խորհրդարանի YouTube-ի էջում։
«Մենք պետք է ոչ այնքան նոր պատժամիջոցներ սահմանենք, որքան համոզվենք, որ չկան արդեն գոյություն ունեցող միջոցները շրջանցելու հնարավորություններ», - ասել է նա։
Միևնույն ժամանակ ֆոն դեր Լայենն ընդգծել է, որ իր կարծիքով՝ նոր սահմանափակող միջոցների սահմանումը նույնպես անհրաժեշտ է։