Կյանքից հեռացել է իտալացի քաղաքական գործիչ, մարդու իրավունքների պաշտպան Էմմա Բոնինոն

2 րոպեի ընթերցում

Սեպտեմբերի 11-ին, 78 տարեկանում կյանքից հեռացել է իտալացի հայտնի քաղաքական գործիչ, մարդու իրավունքների և քաղաքացիական ազատությունների պաշտպան Էմմա Բոնինոն։ «Արմենպրես»-ի փոխանցմամբ՝ նրա մահվան մասին հայտնել է +Europa կուսակցությունը։

«Էմման լքել է մեզ, բայց նա երբեք չի լքի մեզ», - նշված է սոցիալական ցանցերում կուսակցության տարածած հաղորդագրության մեջ։

Բոնինոն մահացել է Հռոմում՝ երկարատև հիվանդության դեմ պայքարից հետո։

Իտալական և պրո-եվրոպական քաղաքականության առանցքային դեմքերից մեկը համարվող Բոնինոն ավելի քան հինգ տասնամյակ ակտիվ գործունեություն է ծավալել քաղաքականության մեջ՝ իր պայքարի առանցքում պահելով քաղաքացիական իրավունքների, անձնական ազատությունների, կանանց իրավունքների, եվրոպական ինտեգրման և միջազգային համագործակցության հարցերը։

Նա եղել է Իտալիայի խորհրդարանի և Եվրախորհրդարանի անդամ, Եվրոպական հանձնաժողովի անդամ, Իտալիայի միջազգային առևտրի և եվրոպական քաղաքականության նախարար, իսկ 2013-2014 թվականներին՝ արտաքին գործերի նախարար։

Բոնինոն ծնվել է 1948 թվականի մարտի 9-ին Իտալիայի Կունեոյի նահանգի Բրա քաղաքում։ 1970-ական թվականներից նա դարձել է Ռադիկալ կուսակցության առաջատար դեմքերից մեկը և ակտիվորեն ներգրավվել մի շարք քաղաքական ու քաղաքացիական արշավներում։

Հայերեն

«Հայաստանի AI հնարավորությունը. գաղափարից՝ գործողություն» խորագրով քննարկում

Տելեկոմից մինչև ֆինտեխ, էներգետիկա, լոգիստիկա և ավելին. Team Group-ը Digitec-ում թվային նոր լուծումներ ու հարթակներ է ներկայացնում

Երևանի լողի թիմերը հաղթեցին «ՀՀ վարչապետի գավաթ» դպրոցականների մրցաշարում

Նախարարը հաջողություն է մաղթել դպրոցականների լողի մրցաշարի եզրափակիչ փուլի մասնակիցներին

Հայկ Մարտիրոսյանը «Total Chess World Championship Tour Pilot 2026»-ում զբաղեցրել է 9-րդ հորիզոնականը

ԱրարատԲանկը տեղաբաշխելու է «Ֆարմ Կրեդիտ Արմենիայի»՝ Հայաստանում առաջին սոցիալական պարտատոմսերը

Աբովյան համայնքին է վերադարձվել Հատիս փողոցում գտնվող հողամասը. Գլխավոր դատախազություն

3,79 միլիարդ դոլար՝ մեկ օրում. GTA VI-ը ռեկորդ է սահմանել տեսախաղերի պատմության մեջ

Շիրակի մարզում մեկնարկել է կարկտահարությունից տուժած բնակիչներին և տնտեսություններին մասնակի փոխհատուցման տրամադրման գործընթացը

Եվրոպական ինդեքսները նվազել են - 20/11/26