Հորմուզի նեղուցով օրական անցնում է մոտ 11 մլն բարել նավթ. ԱՄՆ էներգետիկայի նախարարություն

2 րոպեի ընթերցում

Հորմուզի նեղուցով փոխադրվող նավթի և նավթամթերքի ծավալը կազմում է օրական մոտ 11 միլիոն բարել։ Ինչպես հաղորդում է «Արմենպրես»-ը, այդ մասին հայտարարել է ԱՄՆ էներգետիկայի նախարար Քրիս Ռայթը։

«Յոթ օրվա ընթացքում նեղուցով նավերով դուրս տարվող նավթի և նավթամթերքի միջին ծավալը կազմել է օրական 11 միլիոն բարելից փոքր-ինչ պակաս։ Եվս 3–5 միլիոն բարել օրական անցնում է նեղուցը շրջանցող խողովակաշարերով», - ասել է նա Bloomberg TV-ին տված հարցազրույցում։

Ռայթի պնդմամբ՝ ԱՄՆ ռազմանավերը օգնում են նավերին անցնել Հորմուզի նեղուցով։

ԱՄՆ-ն և Իսրայելն Իրանի դեմ պատերազմ են սկսել փետրվարի 28-ին։ Հունիսին Վաշինգտոնն ու Թեհրանը ստորագրել են փոխըմբռնման հուշագիր, որը նախատեսում էր մարտական գործողությունների անհապաղ դադարեցում բոլոր ճակատներում, այդ թվում՝ Լիբանանում։ Սակայն հուլիսի 8-ի գիշերն ԱՄՆ-ն վերսկսել էր լայնածավալ հարվածներն Իրանին՝ մեղադրելով նրան ձեռք բերված հանաձայնությունների պայմանների խախտման մեջ այն մասով, որը վերաբերում է Հորմուզի նեղուցին։ Նեղուցով է տեղափոխվում նավթի վաճառքի համաշխարհային ծավալների մոտ 25%-ը և հեղուկացված բնական գազի շուրջ 20%-ը։ Այնուհետև ԱՄՆ վարչակազմը ազդարարել է Իրանի դեմ լայնածավալ ռազմական ուժի կիրառման դադարեցման և պատժամիջոցներով  երկիրը տնտեսապես խեղդելու փորձերին անցնելու մասին:

Հայերեն Русский

Հայաստանն ու Եգիպտոսը քննարկել են առևտրի ոլորտում համագործակցությունը խորացնելու հեռանկարները

Հայաստանի պատմության թանգարանն ու Աթենքի ազգային հնագիտական թանգարանը համատեղ ցուցահանդեսներ կիրականացնեն

Վահան Կոստանյանը հանդիպել է ՄԱԿ-ի գլխավոր քարտուղարի՝ Սիրիայի հարցերով հատուկ բանագնացի տեղակալի հետ

ՀՀ պաշտպանության նախարարի տեղակալն այցելել է մի շարք զորամասեր

Ռազմական ոստիկանության պետն աշխատանքային խորհրդակցություն է անցկացրել

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հայաստանում առաջիկա օրերին սպասվում են տեղումներ, օդի ջերմաստիճանը զգալիորեն կնվազի

Արմավիրի մարզի մի շարք բնակավայրերում փորձարկվելու են էլեկտրական շչակներ

Փրկարարներն արձագանքել են քամու հետևանքով գրանցված դեպքերին

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ