Ուկրաինան ողջունում է Եվրոպայի հետ ավելի սերտ կապեր ունենալու Հայաստանի ընտրությունը. Զելենսկի

Ուկրաինայի նախագահ Վոլոդիմիր Զելենսկին շնորհակալություն է հայտնել Հայաստանի Հանրապետության նախագահ Վահագն Խաչատուրյանին և Հայաստանի վարչապետ Նիկոլ Փաշինյանին՝ Ուկրաինայի Անկախության օրվա առթիվ հղված շնորհավորական ուղերձների համար։

«Արմենպրես»-ի փոխանցմամբ՝ այս մասին Ուկրաինայի նախագահը նշել է X-ի իր միկրոբլոգում արված գրառման մեջ։

«Իմ անկեղծ երախտագիտությունն եմ հայտնում Հայաստանի Հանրապետության նախագահ Վահագն Խաչատուրյանին և Հայաստանի վարչապետ Նիկոլ Փաշինյանին Ուկրաինայի Անկախության օրվա կապակցությամբ ջերմ շնորհավորանքների համար։

Մեր երկու երկրների միջև բարձր մակարդակի երկխոսությունն այժմ ակտիվացել է։ Հուսով ենք, որ դրան կհետևի ավելի սերտ համագործակցություն նաև այլ մակարդակներում և բազմաթիվ ոլորտներում։ Հայ ժողովուրդը վստահորեն շարժվում է դեպի Եվրոպայի հետ ավելի սերտ կապեր, և Ուկրաինան ողջունում է այս ընտրությունն ու պատրաստ է աջակցել ամենուր, որտեղ դա հնարավոր է»,-նշել է Վոլոդիմիր Զելենսկին։

My sincere gratitude to President Vahagn Khachaturyan @President_Arm and Prime Minister @NikolPashinyan for their warm congratulations on Ukraine’s Independence Day! The high-level dialogue between our two countries has now been reinvigorated. We hope it will be followed by… pic.twitter.com/IDTQTfsQUE

— Volodymyr Zelenskyy / Володимир Зеленський (@ZelenskyyUa) August 25, 2026