Բելառուսը փակում է իր դեսպանությունը Ֆինլանդիայում

Բելառուսի կառավարությունը որոշել է փակել իր դեսպանությունը Ֆինլանդիայում։ «Արմենպրես»-ի փոխանցմամբ՝ այս մասին հաղորդում է Sputnik Belarus-ը։

Փակումը նախատեսված է Նախարարների խորհրդի օգոստոսի 20-ի թիվ 424 որոշմամբ, որը պաշտոնապես հրապարակվել է օգոստոսի 21-ին Ազգային իրավական ինտերնետային հարթակում։

«Ֆինլանդիայի Հանրապետությունում Բելառուսի Հանրապետության դեսպանությունը փակվում է 2026 թ. սեպտեմբերի 1-ից», - նշվում է փաստաթղթում։

Նախարարների խորհուրդը նաև հանձնարարել է Արտաքին գործերի նախարարությանը միջոցներ ձեռնարկել դիվանագիտական ​​​​ներկայացուցչությունը փակելու համար։

Ավելի վաղ դիվանագիտական ​​​​ներկայացուցչության կայքում հրապարակվել էր գործունեության ժամանակավոր դադարեցման մասին ծանուցում։

Դեսպանությունն  առաջարկել է 2026 թ. օգոստոսից սկսած հյուպատոսական հարցերն ուղղել արտասահմանում գտնվող Բելառուսի այլ ներկայացուցչություններին, մասնավորապես՝ Լատվիայի Դաուգավպիլս քաղաքում գտնվող Բելառուսի գլխավոր հյուպատոսությանը կամ Շվեդիայի մայրաքաղաք Ստոկհոլմում գործող Բելառուսի դեսպանատանը։

Բելառուսի և Ֆինլանդիայի միջև դիվանագիտական ​​​​հարաբերություններ են հաստատվել 1992 թ. փետրվարի 26-ին։ Բելառուսի դեսպանությունը Ֆինլանդիայում գործում էր 2011 թվականից։

Դեսպանության փակման պատճառների վերաբերյալ տեղեկություններ չեն հաղորդվում։