1 րոպեի ընթերցում
Հայաստանի վարչապետ Նիկոլ Փաշինյանը հայտարարել է, որ առաջիկայում Հայաստանից արտահանումներ կլինեն Ադրբեջան։
«Արմենպրես»-ի փոխանցմամբ՝ այդ մասին վարչապետը հայտարարել է ՀՀ կառավարության նիստից հետո լրագրողների հետ ճեպազրույցում՝ պատասխանելով «Արմենպրես»-ի հարցին, որ այս պահին հիմնականում Ադրբեջանն է դեպի Հայաստան արտահանում իրականացնում, իսկ Հայաստանից Ադրբեջան արտահանում չի եղել, հնարավո՞ր է արդյոք առաջիկայում Հայաստանից որևէ ապրանք արտահանվի Ադրբեջան։
«Ադրբեջանի հետ ապրանքների փոխադարձ առևտրի մասով օրակարգը կա, և առաջիկայում նաև Հայաստանից արտահանումներ կլինեն Ադրբեջան»,- ասել է վարչապետ Նիկոլ Փաշինյանը՝ չհստակեցնելով, թե ինչ ապրանքների մասին է խոսքը։
Հիշեցնենք, որ 2026 թվականի հունվարին ՀՀ վարչապետ Նիկոլ Փաշինյանը հայտարարել էր, որ Հայաստանն ու Ադրբեջանը առուվաճառքի պոտենցիալ ապրանքների ցանկ են փոխանակել։ Ադրբեջանն էլ այս ընթացքում հիմնականում բենզին և դիզվառելիք է արտահանել Հայաստան։