Երևանում Մեծ Բրիտանիայի դեսպանությունը կարևորել է Վաշինգտոնի պայմանավորվածությունների շարունակականությունը
1 րոպեի ընթերցում
Երևանում Մեծ Բրիտանիայի դեսպանությունը հայտարարություն է տարածել Վաշինգտոնում ԱՄՆ նախագահ Դենալդ Թրամփի միջնորդությամբ և Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի մասնակցությամբ տեղի ունեցած խաղաղության գագաթնաժողովի առաջին տարեդարձի առթիվ։
«Արմենպրես»-ի հաղորդմամբ՝ դեսպանությունից նշել են, որ գնահատում են խաղաղության ուղղությամբ պատմական քայլ կատարելու գործում ցուցաբերված քաղաքական առաջնորդությունը։
«Այս գործընթացի շարունակականությունը երկխոսության և համագործակցության միջոցով ապահովելը առանցքային նշանակություն ունի գալիք սերունդների համար անվտանգ և բարեկեցիկ տարածաշրջան կառուցելու գործում»,-ասվում է հայտարարությունում։
Դեսպանությունը նաև ընդգծել է, որ Միացյալ Թագավորությունը շարունակում է հանձնառու լինել կայուն և տևական խաղաղության հաստատմանն աջակցելուն։
Հիշեցնենք, որ Հայաստանն ու Ադրբեջանը Միացյալ Նահանգների միջնորդությամբ 2025 թվականի օգոստոսի 8-ին Վաշինգտոնում համատեղ հռչակագիր էին ստորագրել, որից հետո երկու երկրների առաջնորդները հայտարարել էին, որ Հայաստանի և Ադրբեջանի միջև խաղաղություն է հաստատվել։ Նույն օրը Վաշինգտոնում Հայաստանն ու Ադրբեջանը նաև նախաստորագրել էին խաղաղության համաձայնագիրը։