Հութիները հայտարարել են Սաուդյան Արաբիայի հարավ-արևմուտքում գտնվող օդանավակայանին հարվածելու մասին

Հութիները օգոստոսի 4-ին հայտարարել են, որ անօդաչու թռչող սարքի օգնությամբ գրոհել են Սաուդյան Արաբիայի հարավ-արևմուտքում գտնվող Նաջրան քաղաքի օդանավակայանի վրա: Ինչպես հաղորդում է «Արմենպրես»-ը, այդ մասին հայտնում է Al Jazeera-ն։

Հութիների խոսքով՝ գրոհը հասել է նպատակին։

«Գրոհն իրականացվել է ի պատասխան սաուդյան հակառակորդի անօդաչու թռչող սարքերի կողմից Եմենի Սաադա և Հադջա նահանգների օդային տարածության խախտման», - ասվում է հութիների հայտարարության մեջ։

Հուլիսին իրանամետ հութիները և Սաուդյան Արաբիան վերսկսել են փոխադարձ հարվածները։ Հութիները հայտարարել են սաուդյան նավերի նկատմամբ ծովային շրջափակման մասին և գրոհել Կարմիր ծովում սաուդյան լցանավերի վրա, իսկ ավելի ուշ հայտարարել են թագավորության տարածքում Saudi Aramco ընկերության օբյեկտների վրա հարվածների մասին։ Սաուդյան Արաբիայի և Եգիպտոսի փորձերը՝ համոզելու հութիներին դադարեցնել ռազմական գործունեությունը, առայժմ ապարդյուն են։

Օգոստոսի 4-ին Սաուդյան Արաբիայի Saudi Aramco ազգային նավթային ընկերության գործադիր տնօրեն Ամին Նասերը հայտարարել է, որ հուլիսին նավթային ձեռնարկություններին հասցված հարվածները որևէ ձևով չեն ազդել դրա առևտրային գործունեության վրա։