365.98
Երկրորդ եռամսյակում Հայաստանում վերականգնվել է անշարժ գույքի գների աճը
1 րոպեի ընթերցում
Հայաստանի Կենտրոնական բանկի նախագահի տեղակալ Հովհաննես Խաչատրյանի խոսքով՝ 2026 թվականի երկրորդ եռամսյակում Հայաստանում վերականգնվել է անշարժ գույքի գների աճը։
«Վերջին մեկ-մեկուկես տարվա ընթացքում անշարժ գույքի գների աճը կանգ էր առել և զգալիորեն դանդաղել էր, սակայն երկրորդ եռամսյակում արդեն տեսնում ենք դրա վերականգնումը»,- «Արմենպրես»-ի հաղորդմամբ՝ լրագրողների հետ հանդիպմանն ասաց նա։
Խաչատրյանը նշեց, որ դեռևս հստակ չէ, թե այդ միտումն ինչ չափով է պայմանավորված անշարժ գույքի ձեռքբերման պայմանների փոփոխությամբ։
Նրա խոսքով՝ շարունակվում են հիփոթեքային գործարքները, այդ թվում՝ ոչ ռեզիդենտների կողմից իրականացվող գնումները։
«Հավանաբար, ձևավորվում է միտում, երբ կառուցապատողները սկսում են ավելի ակտիվ թիրախավորել ոչ ռեզիդենտ գնորդներին՝ իրենց բնակարանների վաճառքն ապահովելու նպատակով»,- նշեց ԿԲ նախագահի տեղակալը։
Բաժանորդագրվեք մեր ալիքին Telegram-ում