Հունաստանում սկսվել է այս սեզոնի առաջին տապի ալիքը

2 րոպեի ընթերցում

Հունաստանում սկսվել է այս սեզոնի առաջին տապի ալիքը. hուլիսի 20-ին երկրում ջերմաստիճանը կարող է գերազանցել 40 աստիճան Ցելսիուսը։ «Արմենպրես»-ի փոխանցմամբ՝ այս մասին հաղորդում է Reuters գործակալությունը:

Իշխանությունները խորհուրդ են տվել մարդկանց մնալ տանը և խուսափել բացօթյա աշխատանքներից ժամը 11:00-17:00-ն ընկած ժամանակահատվածում: Միևնույն ժամանակ բնակիչներին խորհուրդ է տրվել նույն ժամերին աղբը տանը պահել՝ առողջական նկատառումներից ելնելով։

Իշխանությունները բնակիչների համար հասանելի են դարձրել օդորակիչներով հագեցած կենտրոններ՝ շոգից խուսափելու համար, նաև բժշկական խորհրդատվության համար բաց է 24-ժամյա շտապօգնության գիծ։

Հրշեջ ծառայությունը նաև հանրությանը խորհուրդ է տվել խուսափել ցանկացած գործողությունից, որը կարող է հրդեհ առաջացնել։

Հունաստանը մինչ օրս խուսափել էր արևմտյան Եվրոպայում տիրող տապի ալիքից, բայց երկրում ամեն օր անտառային հրդեհներ են բռնկվել ուժեղ քամիների և չոր եղանակի պատճառով։ Մտահոգություններ են առաջացել նաև ջրի պակասի վերաբերյալ՝ նախորդ տարիների երաշտի պատճառով։

Ըստ օդերևութաբանների՝ բարձր ջերմաստիճանը կպահպանվի հաջորդ երեք օրվա ընթացքում։

Ավելի վաղ եվրոպական երկրները հայտնել էին, որ հունիսի վերջին մայրցամաքի արևմտյան հատվածը պատած ռեկորդային շոգի ալիքի ընթացքում հավելյալ 10 000 մահվան դեպք է գրանցվել:

Եվրոպա

Եվրոպայում արտակարգ շոգի պատճառով առնվազն 10 հազար մարդ է մահացել

Հայերեն English

Վահան Կոստանյանը հանդիպել է Պաղեստինի արտաքին գործերի և սփյուռքի նախարարի հետ

Լևոն Աբրահամյանը՝ Հայաստանի նկարիչների միության նոր նախագահ

Իրանի դեմ վերջերս տեղի ունեցած երկու պատերազմների ընթացքում զոհվել է առնվազն 428 երեխա և դեռահաս

Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ

ԻՀՊԿ-ն հայտնել է Հորմուզի նեղուցի մոտակայքում 58-րդ ամերիկյան MQ-9 ԱԹՍ-ը խոցելու մասին

Հայաստանում կստեղծվի կիբեռանվտանգության կամպուս. ծրագիրը կիրականացվի Ֆրանսիայի և ԵՄ-ի աջակցությամբ

Կայացավ ՀՆՄ 21-րդ համագումարը

Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն

Հունաստանի ամենահեղինակավոր Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես

«Վայլդբերրիզ» ՍՊԸ-ի գլխավոր տնօրենի փոփոխությունը չի ազդում ընկերության գործառնական գործունեության վրա