1 րոպեի ընթերցում
Երևանի քաղաքապետարանի նախաձեռնությամբ մայրաքաղաքի բոլոր վարչական շրջաններում շարունակվում են բակային շաբաթօրյակները, որոնց նպատակն է բարեկարգել և մաքրել բակային տարածքները։
Շաբաթօրյակների ընթացքում իրականացվում են սանիտարական աշխատանքներ, ինչպես նաև թարմացվում և խնամվում են հարակից կանաչապատ գոտիները։
«Այս անգամ աշխատանքներն իրականացվել են Աջափնյակ վարչական շրջանի Նորաշեն թաղամասի միջբակային տարածքներում։ Նման նախաձեռնությունները կրելու են շարունակական բնույթ՝ նպաստելով մայրաքաղաքի բակերի մաքրության և բարեկարգման ապահովմանը»,- «Արմենպրես»-ի փոխանցմամբ՝ նշված է Երևանի քաղաքապետարանի տարածած հաղորդագրության մեջ՝ որին կից հրապարակվել է նաև տեսանյութ։