Դուբայի իշխանությունները հերքել են քաղաքի կենտրոնում պայթյունների մասին հաղորդագրությունները
2 րոպեի ընթերցում
Դուբայի իշխանությունները հերքել են քաղաքի կենտրոնում տեղի ունեցած պայթյունների մասին լրատվամիջոցների հաղորդագրությունները։
«Արմենպրես»-ի հաղորդմամբ՝ այս մասին նշվում է Դուբայի կառավարության մամուլի ծառայության՝ Х սոցիալական ցանցում տարածած հաղորդագրությունում։
«Դուբայի կառավարության մամուլի ծառայությունը հերքում է Դուբայի կենտրոնում պայթյունների մասին Reuters-ի հաղորդագրությունը և հայտարարում, որ այդ տեղեկատվությունը չի համապատասխանում իրականությանը»,- նշված է պարզաբանման մեջ։
Reuters-ը վկայակոչելով ականատեսներին՝ հայտնել էր Դուբայի կենտրոնում պայթյունների լսվելու մասին, սակայն մանրամասներ չէր ներկայացրել։
Հուլիսի 8-ին Միացյալ Նահանգները հայտարարել էին Իրանի հետ հրադադարի դադարեցման մասին՝ վերջինիս ներկայացնելով Հորմուզի նեղուցում առևտրային նավերի վրա հարձակվելու մեղադրանք։ Դրանից մի քանի օր անց Թեհրանը հայտարարել էր ծովային անցուղու փակման մասին։ Նախագահ Դոնալդ Թրամփը, իր հերթին, հրամայել էր վերականգնել Հորմուզի նեղուցի շրջափակումը, որն, ըստ նրա, առնչվում է միայն իրանական նավերին և բեռներին։ Այս ողջ ընթացքում կողմերը հարվածներ են փոխանակել։
Սրացման այս փուլը հաջորդել է հակամարտության ավարտի մասին կողմերի հուշագիր կնքելուց ընդամենը երեք շաբաթ անց։