«Աստղային պատերազմներ» ֆրանշիզի հերոս Լյուկ Սքայուոքերի թուրն աճուրդում վաճառվել է 3.75 մլն դոլարով
1 րոպեի ընթերցում
Ամերիկյան «Աստղային պատերազմներ»-ի նկարահանումներում ֆրանշիզի հերոս Լյուկ Սքայուոքերի օգտագործած օրիգինալ լուսային թուրը աճուրդում վաճառվել է 3.75 միլիոն դոլարով։
«Արմենպրես»-ի հաղորդմամբ՝ այս մասին հայտնում է Hollywood Reporter թերթը։
Դա հենց այն լուսային թուրն է, որով Սքայուոքերը մենամարտել է Դարթ Վեյդերի հետ՝ 1980 թվականին նկարահանված «Աստղային պատերազմներ. Էպիզոդ V՝ Կայսրությունը հասցնում է պատասխան հարված» ֆիլմում։
Այս գործարքով սահմանվել է «Աստղային պատերազմներ»-ի նկարահանումներում օգտագործված ռեկվիզիտի նոր ռեկորդ։ Թուրը նախապես գնահատվել էր 1 միլիոն դոլար և փորձագետներն ակնկալում էին, որ նրա գինը կհասնի առավելագույնը 2 միլիոն դոլարի։
Մինչ այդ առավել մեծ գումար էր վճարվել X-wing կործանիչի օրիգինալ մոդելի համար, որը 1977 թվականին օգտագործվել էր «Աստղային պատերազմներ»-ի առաջին ֆիլմում տեղ գտած տիեզերական մարտի դրվագի նկարահանման ժամանակ։ 2023 թվականի հոկտեմբերին այն վաճառվել էր 3 միլիոն 135 դոլարով։