1 րոպեի ընթերցում
Իրանական Քեշմ կղզում և Հորմուզի նեղուցում պայթյունների ձայներ են լսվել։
Ինչպես հաղորդում է «Արմենպրես»-ը, այս մասին հուլիսի 14-ին հայտնել է «Ֆարս» լրատվական գործակալությունը։
«Մոտավորապես ժամը 18:45-ին Քեշմ կղզում մի քանի պայթյունի ձայն է լսվել», -հայտնել է գործակալությունը։
Ավելի վաղ հաղորդվել էր Իրանի մի քանի քաղաքում պայթյունների մասին։
IRNA գործակալությունը նշել էր, որ Բուշերում արկերը հարվածել են չորս վայրի։ Fars գործակալությունը հայտնել էր, որ բնակիչները տեղեկացրել են մի քանի պայթյուն լսելու մասին։
Պայթյուններ էին լսվել Չողադակ քաղաքում։ Իրանական ԶԼՄ-ները հաղորդել էին նաև Բանդար Աբբասում մի քանի պայթյունի մասին։