1 րոպեի ընթերցում
Իրանի գերագույն առաջնորդ Մոջթաբա Խամենեին խոստացել է վրեժ լուծել իր հոր՝ Իրանի հանգուցյալ գերագույն առաջնորդ Ալի Խամենեիի սպանության համար։
Ինչպես հաղորդում է«Արմենպրես»-ը, այս մասին հայտնում է Anadolu գործակալությունը՝ վկայակոչելով Մոջթաբա Խամենեիի ուղերձը, որը հրապարակվել է սոցիալական ցանցերում՝ Ալի Խամենեիի հուղարկավորության և թաղման կապակցությամբ։
Ուղերձում Մոջթաբա Խամենեին ընդգծել է, որ հավատարիմ է մնալու հոր գծած քաղաքական ուղուն։
«Վրեժը մեր ժողովրդի պահանջն է, և այն անպայման պետք է իրականացվի»,- հայտարարել է Մոջթաբա Խամենեին։
Իրանի գերագույն առաջնորդը հավելել է, որ պատասխան գործողությունը, իր խոսքով, կախված չի լինելու անձամբ իր կամ այլ ղեկավարների ներկայությունից։
Մոջթաբա Խամենեին Իրանի գերագույն առաջնորդ է դարձել հոր՝ Ալի Խամենեիի մահից հետո։
Ալի Խամենեին զոհվել էր ԱՄՆ-ի և Իսրայելի համատեղ հարվածների հետևանքով։