1 րոպեի ընթերցում
Իտալիայի արտաքին գործերի նախարար և փոխվարչապետ Անտոնիո Տայանին հայտարարել է Հռոմում Ռուսաստանի դեսպանատնից երկու ռազմական կցորդների արտաքսելու որոշման մասին։ Ինչպես հաղորդում է «Արմենպրես»-ը, այս մասին նա գրառում է կատարել X-ի իր էջում։
«Իտալիայի կառավարությունը որոշել է արտաքսել Իտալիայում Ռուսաստանի դեսպանատան երկու ռազմական կցորդների, որոնք պատասխանատու են Հռոմի դատախազության հետաքննության ընթացքում բացահայտված լրտեսական գործունեության համար։
Իտալիայի արտաքին գործերի նախարարության գլխավոր քարտուղարը քիչ առաջ Հռոմում Ռուսաստանի դեսպանին տեղեկացրել է, որ Իվան Պետրովիչ Գորբաչովը և Միխայիլ Վասիլևիչ Աստախովը պետք է երեք օրվա ընթացքում լքեն Հռոմը»,- գրել է նա։
Տայանն ընդգծել է, որ «Մոսկվան շարունակում է օգտագործել իր հիբրիդային գործիքները՝ Արևմուտքի և Իտալիայի դեմ հարձակումներ իրականացնելու համար»։
«Իտալիայի ինստիտուտների և ազգային անվտանգության համար սա լուրջ և անընդունելի միջամտություն է»,- ասվում է հայտարարության մեջ։