1 րոպեի ընթերցում
Գերմանիան համաձայնության է հասել ԱՄՆ կառավարության հետ՝ «Tomahawk» թևավոր հրթիռներ ձեռք բերելու և դրանք Գերմանիայի տարածքում տեղակայելու վերաբերյալ։ Ինչպես հաղորդում է «Արմենպրես»-ը՝ վկայակոչելով Reuters-ը, այս մասին հուլիսի 8-ին Բեռլինում օրենսդիրներին հայտնել է կանցլեր Ֆրիդրիխ Մերցը։
Մերցը նշել է, որ Անկարայում անցկացված ՆԱՏՕ-ի գագաթնաժողովի շրջանակում հանդիպել է Վաշինգտոնի ներկայացուցիչների հետ՝ համաձայնագիրը վերջնականացնելու համար՝ հավելելով, որ գագաթնաժողովը գերազանցել է իր բոլոր սպասումները։
«Դրանով մենք վերացնում ենք մեր պաշտպանական համակարգում առկա կարևոր ռազմավարական բացը՝ միաժամանակ աշխատելով սեփական եվրոպական համակարգերի մշակման և դրանք Եվրոպայում տեղակայելու ուղղությամբ»,- ասել է նա։
«Tomahawk»-ների հետագա ճակատագիրը անորոշ էր այն բանից հետո, երբ ԱՄՆ նախագահ Դոնալդ Թրամփը մայիսին հայտարարել էր Գերմանիայում ամերիկյան ռազմական ներկայությունը կրճատելու մասին։