1 րոպեի ընթերցում
Գործարար, «Բարգավաճ Հայաստան» կուսակցության նախագահ Գագիկ Ծառուկյանին առնչվող քրեական վարույթի շրջանակներում կալանավորվել է ևս մեկ անձ։
«Արմենպրես»-ին այս մասին հայտնեցին ՀՀ քննչական կոմիտեից։
Մինչ այս պահն արդեն կալանավորվել էին Գագիկ Ծառուկյանը և ևս մեկ անձ։
Գագիկ Ծառուկյանին մեղադրանք է առաջադրվել առանձնապես խոշոր չափերով խարդախության և փողերի լվացման հոդվածներով։
Իրավապահ մարմինները հուլիսի 6-ին խուզարկություններ էին իրականացրել Ծառուկյանի առանձնատանը և նրան պատկանող շուրջ 70 հասցեներում։ Խուզարկությունների ավարտից հետո Ծառուկյանը ձերբակալվել էր, իսկ հուլիսի 7-ին դատարանը նրա նկատմամբ որպես խափանման միջոց էր ընտրել երկամսյա կալանքը։
Քննչական կոմիտեից հուլիսի 7-ին «Արմենպրես»-ին հայտնել էին, որ նույն գործով, բացի Գագիկ Ծառուկյանից, ևս մեկ անձ կալանավորվել է, մեկ անձ էլ ձերբակալվել է, որին ևս կալանավորելու միջնորդություն է ներկայացվել դատարան։