Անկարայում անցկացվող ՆԱՏՕ-ի գագաթնաժողովի շրջանակում առնվազն 50 մլրդ դոլարի պայմանագրեր են ստորագրվել
1 րոպեի ընթերցում
Անկարայում անցկացվող ՆԱՏՕ-ի գագաթնաժողովի շրջանակում անցկացված պաշտպանական արդյունաբերության ֆորումի ընթացքում ստորագրվել են առնվազն 50 միլիարդ դոլարի պայմանագրեր։ «Արմենպրես»-ի փոխանցմամբ՝ այս մասին հայտնում է թուրքական «Türkiye» թերթը։
Պարբերականի տեղեկություններով՝ պայմանագրերը վերաբերում են հակաօդային պաշտպանության համակարգերի, անօդաչու թռչող սարքերի ձեռքբերմանը, ինչպես նաև սպառազինության և ռազմական տեխնիկայի ոլորտում համատեղ նախագծերի իրականացմանը։
Ավելի վաղ ՆԱՏՕ-ի գլխավոր քարտուղար Մարկ Ռյուտեն հայտարարել էր, որ դաշինքի 20 անդամ երկիր կմասնակցի Drone Edge նախաձեռնությանը, որի շրջանակում առաջիկա հինգ տարիների ընթացքում շուրջ 40 միլիարդ դոլար կներդրվի անօդաչու թռչող սարքերի և դրանց դեմ պայքարի միջոցների արտադրության զարգացման համար։
Ռյուտեն շեշտել էր, որ Անկարայի գագաթնաժողովի ընթացքում ՆԱՏՕ-ի երկրները պաշտպանական ոլորտում կկնքեն տասնյակ միլիարդավոր դոլարների պայմանագրեր։
Անկարայում անցկացվող ՆԱՏՕ-ի երկօրյա գագաթնաժողովին մասնակցում են դաշինքի անդամ 32 երկրների առաջնորդները։ Հուլիսի 8-ին նախատեսված է պետությունների և կառավարությունների ղեկավարների մասնակցությամբ լիագումար նիստը։