70-ից ավելի հասցեներում կատարվում են միաժամանակյա խուզարկություններ. ՔԿ-ն՝ Ծառուկյանի տանը և այլ վայրերում խուզարկությունների մասին
1 րոպեի ընթերցում
Քննչական կոմիտեում քննվող մեկ տասնյակից ավելի քրեական վարույթների շրջանակում 70-ից ավելի հասցեներում կատարվում են խուզարկություններ։
«Արմենպրես»-ին այս մասին հայտնեցին Կոմիտեից՝ անդրադառնալով հուլիսի 6-ի առավոտից «Բարգավաճ Հայաստան» կուսակցության առաջնորդ Գագիկ Ծառուկյանի տանը և վերջինիս պատկանող մի շարք ընկերություններում իրականացվող խուզարկություններին։
«Քննչական կոմիտեում քննվող մեկ տասնյակից ավելի քրեական վարույթների շրջանակում 70-ից ավելի հասցեներում կատարվում են միաժամանակյա խուզարկություններ»,-նշեցին ՔԿ-ից
Ավելի վաղ «Բարգավաճ Հայաստան» կուսակցության առաջնորդ Գագիկ Ծառուկյանի մամուլի խոսնակ Իվետա Տոնոյանը հայտնել էր, որ խուզարկություն է իրականացվում Գագիկ Ծառուկյանի տանը։
ՀՀ քննչական կոմիտեից հաստատել էին տեղեկությունն՝ ընդգծելով, որ քրեական վարույթի շրջանակում կատարվում են անհրաժեշտ քննչական և վարութային գործողություններ։