Փարիզում կայծակը հարվածել է Էյֆելյան աշտարակի սայրաձողին

Ֆրանսիայի մայրաքաղաքում ամպրոպի ժամանակ կայծակը հարվածել է Էյֆելյան աշտարակի գագաթին: «Արմենպրես»-ի փոխանցմամբ՝այս մասին հունիսի 28-ին հաղորդել է BFMTV հեռուստաալիքը:

Ըստ հեռուստաալիքի տեղեկատվության՝ սաստիկ ամպրոպ է մոլեգնել Փարիզի և Ֆրանսիայի հյուսիսարևմտյան տարածաշրջաններում: Ֆրանսիայի Պտտահողմերի և սաստիկ  ամպրոպների դիտարկման դիտարանն ավելի քան 13 000 կայծակ է գրանցել ամբողջ երկրում հունիսի 28-ի ժամը 18:00-ից մինչև 23:00-ն  ընկած ժամանակահատվածում:

Էյֆելյան աշտարակի գագաթին քամու պոռթկումները հասել են վայրկյանում գրեթե 29 մետրի: