367.93
Երևանում բացվել է ընտանի շների համար նախատեսված 13-րդ առանձնացված զբոսայգին
1 րոպեի ընթերցում
Երևանում շարունակվում է ընտանի շների համար նախատեսված զբոսայգիների կառուցումը. Աջափնյակ վարչական շրջանի Նազարբեկյան թաղամասում բացվել է ևս մեկ այդպիսի առանձնացված զբոսայգի, որն ապահովված է շների զբոսանքը պատշաճ կազմակերպելու համար անհրաժեշտ բոլոր պայմաններով:
«Զբոսայգին ունի առանձնացված հատվածներ մեծ և փոքր կենդանիների համար և համալրված է անհրաժեշտ խաղասարքերով»,- «Արմենպրես»-ի հաղորդմամբ՝ այս մասին նշում է Երևանի քաղաքապետարանի «Կենդանիների խնամքի կենտրոն» ՀՈԱԿ-ի տնօրեն Հարություն Առաքելյանը։
Նա ընդգծում է, որ մայրաքաղաքում շահագործման հանձնված 13 առանձնացված զբոսայգի կա և համաքաղաքացիներին խնդրում և հորդորում է կենդանիների զբոսանքն ապահովել՝ չվնասելով համայնքային գույքը։
Բաժանորդագրվեք մեր ալիքին Telegram-ում