Մունդիալ-2026. Մեսիի հեթ-տրիկը հաղթանակ բերեց Արգենտինային, Նորվեգիան ու Ավստրիան ևս մեկնարկեցին հաղթանակով
2 րոպեի ընթերցում
Բոսթոն, ԱՄՆ
Մարզադաշտ «Բոսթոն»
I խումբ, առաջին տուր
Իրաք-Նորվեգիա` 1:4
I ենթախմբի ֆավորիտներից Նորվեգիան հաղթանակով մեկնարկեց ընթացիկ աշխարհի առաջնությունում: Էրլինգ Հալանդի դուբլի, Լեո Օստիգարդի ու Այմեն Հուսեյնիի ինքնագոլի շնորհիվ նորվեգները հաղթեցին Իրաքին: Նույն Այմեն Հուսեյնին էլ խփեց Իրաի միակ գոլն այս խաղում: Այս խմբում այժմ Նորվեգիան ու Ֆրանսիան մեկական հաղթանակի շնորհիվ առաջատարներն են:
Կանզաս, ԱՄՆ
Մարզադաշտ «Կանզաս»
J խումբ, առաջին տուր
Արգենտինա-Ալժիր` 3:0
Ֆուտբոլի աշխարհի գործող չեմպիոն Արգենտինան խոշոր հաշվով հաղթանակով մեկնարկեց այս առաջնությունում: Նրանք երեք անպատասխան գնդակ ուղարկեցին Ալժիրի դարպասը: Հեթ-տրիկի հեղինակ դարձավ Արգենտինայի ազգային թիմի ավագ Լիոնել Մեսին: Մեսին այս գոլերի շնորհիվ հավասարվեց աշխարհի առաջնությունների բոլոր ժամանակների լավագույն ռմբարկու գերմանացի Միրոսլավ Կլոզեին`16 գոլ:
Տեսանյութը` այստեղ:
Սան Ֆրանցիսկո, ԱՄՆ
Մարզադաշտ «Բայ Արենա»
J խումբ, առաջին տուր
Ավստրիա-Հորդանան` 3:1
Աշխարհի առաջնության խմբային փուլի հերթական խաղում Ավստրիան գերազանցեց Հորդանանին: Ավստրիայի համար գոլերը խփեցին Ռոմանո Շմիթը, Մարկո Արնաուտովիչը և մեկ անգամ էլ ինքնագոլի հեղինակ դարձավ Յազան Ալարաբը: Հորդանանի հեղինակության գոլը խփեց Ալի Օլվանը: J խմբում մեկական հաղթանակի շնորհիվ առաջատարները Արգենտինան ու Ավստրիան են: