Պաշտոնապես մեկնարկել է Մոլդովայի ԵՄ անդամակցության բանակցությունների առաջին փուլը․ Moldpres

3 րոպեի ընթերցում

Հոդվածը հրապարակվում է «Արմենպրես»-ի և Moldpres-ի միջև ստորագրված համաձայնագրի շրջանակում։

Լյուքսեմբուրգում՝ Մոլդովայի Հանրապետություն-Եվրոպական միություն միջկառավարական համաժողովի ժամանակ պաշտոնապես մեկնարկել է անդամակցության բանակցային գործընթացի առաջին՝ «Հիմնարար արժեքներ» փուլը։ «Արմենպրես»-ի փոխանցմամբ՝ այս մասին հաղորդում է Moldpres-ը։

Կիպրոսի Եվրոպական հարցերով փոխնախարար Մարիլենա Ռաունան որոշումը որակել է որպես Մոլդովայի Հանրապետության եվրոպական ուղու կարևորագույն հանգրվան։

«Այսօր հատկապես կարևոր օր է Մոլդովայի Հանրապետության և, միևնույն ժամանակ, ամբողջ Եվրամիության համար։ «Հիմնարար արժեքներ» փուլի մեկնարկը նշանակալի հանգրվան է Մոլդովայի եվրոպական ուղու համար», - նշել է Մարիլենա Ռաունան։

Նրա խոսքով՝ յուրաքանչյուր բարեփոխման և յուրաքանչյուր ձեռք բերված նպատակի հետևում կանգնած են Մոլդովայի Հանրապետության քաղաքացիների վճռականությունն ու աշխատանքը, և նրանք վերջին տարիներին ցուցաբերել են եվրոպական արժեքներին իրենց անկեղծ նվիրվածությունը։

ԵՄ հարևանության և ընդլայնման հարցերով հանձնակատար Մարթա Կոսն այս իրադարձությունը կարևոր է համարել Մոլդովայի Հանրապետության եվրոպական ուղու համար և ընդգծել, որ որոշումն արտացոլում է վերջին ամիսներին Քիշնևի իշխանությունների ձեռնարկած ջանքերը։

«Մեր ֆինանսական պարտավորությունն ու մտադրությունն է Մոլդովայի տնտեսությունում ներդնել ավելի քան մեկ միլիարդ եվրո: Սա եվրոպական ինտեգրացիան դարձնում է շոշափելի իրականություն բոլոր մոլդովացիների համար», - ասել է նա։

Մարթա Կոսը նաև կոչ է արել քաղաքական ուժերին և մոլդովական հասարակությանը համատեղ աջակցել բարեփոխումների օրակարգին։

Մոլդովայի վարչապետ Ալեքսանդրու Մունտեանուն միջկառավարական համաժողովից հետո հայտարարել է, որ Մոլդովայի Հանրապետության՝ ԵՄ-ին անդամակցության բանակցությունների 1-ին փուլի մեկնարկի որոշումը պատմական պահ է և եվրոպական ինտեգրման գործընթացը քաղաքացիների համար դարձնում է կոնկրետ իրականություն։  

Նա շնորհակալություն է հայտնել ԵՄ Խորհրդի Կիպրոսի նախագահությանը և եվրոպական կառույցներին Մոլդովայի Հանրապետությանը ցուցաբերած աջակցության համար՝ ընդգծելով, որ քաղաքացիների սպասելիքները կապված են ոչ թե բանակցությունների տեխնիկական ընթացակարգերի, այլ երկրի եվրոպական ապագայի հետ։

«Մարդիկ հույս ունեն, որ իրենց ապագան Եվրոպայում է։ Ահա թե ինչու է այսօրվա որոշումն այդքան կարևոր մեզ համար», - ասել է Ալեքսանդրու Մունտեանուն։

Վարչապետը շեշտել է, որ բանակցությունների «Հիմնարար արժեքներ» փուլի մեկնարկը նշանավորում է անդամակցության գործընթացի իրական սկիզբը։

Հայերեն Русский

ՀՖՖ նախագահի թեկնածուները երկուսն են

«ՀՀ վարչապետի գավաթ» մրցաշարի նպատակներից է առողջ և ազնիվ մրցակցությունը երեխաների շրջանում խթանելը. Փաշինյան

«Հայաստանի AI հնարավորությունը. գաղափարից՝ գործողություն» խորագրով քննարկում

Տելեկոմից մինչև ֆինտեխ, էներգետիկա, լոգիստիկա և ավելին. Team Group-ը Digitec-ում թվային նոր լուծումներ ու հարթակներ է ներկայացնում

Երևանի լողի թիմերը հաղթեցին «ՀՀ վարչապետի գավաթ» դպրոցականների մրցաշարում

Նախարարը հաջողություն է մաղթել դպրոցականների լողի մրցաշարի եզրափակիչ փուլի մասնակիցներին

Հայկ Մարտիրոսյանը «Total Chess World Championship Tour Pilot 2026»-ում զբաղեցրել է 9-րդ հորիզոնականը

ԱրարատԲանկը տեղաբաշխելու է «Ֆարմ Կրեդիտ Արմենիայի»՝ Հայաստանում առաջին սոցիալական պարտատոմսերը

Աբովյան համայնքին է վերադարձվել Հատիս փողոցում գտնվող հողամասը. Գլխավոր դատախազություն

3,79 միլիարդ դոլար՝ մեկ օրում. GTA VI-ը ռեկորդ է սահմանել տեսախաղերի պատմության մեջ