Ֆրանսիայի և Լիբանանի ԱԳ նախարարները քննարկել են Լիբանանում մարտերի դադարեցման հարցը

2 րոպեի ընթերցում

Լիբանանի արտաքին գործերի նախարար Յուսեֆ Ռագգին Փարիզում հանդիպել է ֆրանսիացի գործընկերոջ՝ Ժան-Նոել Բարոյի հետ և քննարկել Լիբանանում Իսրայելի և «Հեզբոլլահ»-ի միջև մարտական ​​գործողությունները դադարեցնելու վերաբերյալ հարցեր։ «Արմենպրես»-ի փոխանցմամբ՝ այս մասին Յուսեֆ Ռագգին նշել է X-ում գրառման մեջ։

«Ես հանդիպեցի Ֆրանսիայի Եվրոպայի և արտաքին գործերի նախարար Ժան-Նոել Բարոյի հետ, որի հետ քննարկեցի Լիբանանում տիրող իրավիճակին, ինչպես նաև պետության առջև ծառացած մարտահրավերներին վերաբերող մի շարք զգայուն հարցեր», - նշված է գրառման մեջ։

Լիբանանի ԱԳ նախարարի խոսքով՝ Բարոն 2025 թ. ամռանից ի վեր քաղաքական իշխանությունների կողմից ընդունված որոշումներն ու դիրքորոշումները որակել է «քաջ» և վերահաստատել Ֆրանսիայի աջակցությունն ընթացող բանակցություններին, չնայած Փարիզը դրանց անմիջական կողմ չէ։

Ռագգին հույս է հայտնել, որ այս բանակցությունները կհանգեցնեն հրադադարի և իսրայելական ուժերի լիակատար դուրսբերման։

«Ես ընդգծեցի, որ Լիբանանը չի ընդունի իր անունից որևէ մեկի բանակցություններ վարելը, և որ զենք կրելու իրավունքը պետությանը վերապահելու որոշումը վերջնական և անդառնալի է», - նշել է նա։

Լիբանանի արտգործնախարարը նաև նշել է, որ ֆրանսիացի գործընկերոջ հետ համաձայնության են եկել Լիբանանի բանակին աջակցելու և նրա կարողություններն ամրապնդելու հարցում, քանի որ այն բանակցային սեղանի շուրջ Լիբանանի դիրքերը ամրապնդելու հիմնական հենասյունն է:

«Պարոն Բարոն նաև հայտարարել է Ֆրանսիայի պատրաստակամության մասին՝ կազմակերպելու միջազգային համաժողով՝ ի աջակցություն ռազմական ինստիտուտի», - նշել է նախարարը:

Հայերեն Русский

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն