2 րոպեի ընթերցում
Եվրախորհրդարանում Եվրոպական ժողովրդական կուսակցության (ԵԺԿ) փոխնախագահ Անջեյ Հալիցկին շնորհավորել է Նիկոլ Փաշինյանին։
«Նիկոլ Փաշինյանը հաղթում է Հայաստանում՝ վերականգնելով խորհրդարանում հստակ մեծամասնություն, ինչը հնարավորություն կտա շարունակել կառավարության գործունեությունն ու եվրոպամետ քաղաքական կուրսը»,-«Արմենպրես»-ի հաղորդմամբ X-ի իր միկրոբլոգում գրել է Հալիցկին, հավելելով, որ քաղաքացիների վստահությունը շահելն ու Ռուսաստանի նախագահ Վլադիմիր Պուտինի ապատեղեկատվական արշավները հաղթահարելը իսկական հաղթանակ է։
Անջեյ Հալիցկին գրառման մեջ հավելել է, որ անհամբեր սպասում է լավ համագործակցության շարունակմանը։
@NikolPashinyan wins in Armenia, regaining a clear majority in parliament. This allows his party to continue in the government and pursue its pro-EU course🇪🇺✌🏻
— Andrzej Halicki MEP (@AndrzejHalicki) June 8, 2026
Congratulations! Winning the hearts of your fellow citizens and overcoming Putin’s disinformation campaigns must feel… pic.twitter.com/YOItL4njJS
Հայաստանում հունիսի 7-ին կայացած խորհրդարանական ընտրությունների նախնական արդյունքներով խորհրդարան մտնելու անցողիկ շեմը հաղթահարել է երեք քաղաքական ուժ՝ «Քաղաքացիական պայմանագիր» կուսակցությունը՝ 727 հազար 820 կամ 49,825 տոկոս ձայներով, «Ուժեղ Հայաստան» դաշինքը՝ 340 հազար 88 կամ 23,281 տոկոս ձայներով, «Հայաստան» դաշինք՝ 145 հազար 113 կամ 9,934 տոկոս ձայներով։ «Քաղաքացիական պայմանագիր» կուսակցությունը քվեարկության նախնական արդյունքներով կկարողանա մեծամասնություն ստանալ խորհրդարանում և ձևավորել կառավարություն։