Հայաստանի վարչապետն ու Թուրքիայի նախագահը գոհունակություն են հայտնել շփումների ակտիվացման առիթով. մանրամասներ Փաշինյան–Էրդողան հեռախոսազրույցից
1 րոպեի ընթերցում
Հայաստանի վարչապետ Նիկոլ Փաշինյանն ու Թուրքիայի նախագահ Ռեջեփ Թայիփ Էրդողանը հեռախոսազրույցի ընթացքում մտքեր են փոխանակել երկկողմ օրակարգի հարցերի վերաբերյալ և գոհունակություն հայտնել շփումների ակտիվացման առիթով։
«Արմենպրես»-ի փոխանցմամբ՝ այս մասին նշված է ՀՀ վարչապետի աշխատակազմի տարածած հաղորդագրության մեջ։
Հայաստանի վարչապետը նաև Թուրքիայի նախագահին շնորհավորել է Կուրբան Բայրամի առիթով։
Նախագահ Էրդողանը վարչապետ Փաշինյանին շնորհավորել է ծննդյան 51–րդ տարեդարձի առիթով։
Զրույցի ընթացքում նաև ընդգծվել է Թուրքիայի փոխնախագահ Ջևդեդ Յըլմազի այցը Հայաստան՝ Եվրոպական քաղաքական համայնքի գագաթնաժողովին մասնակցելու նպատակով, Թուրքիա–Հայաստան ուղիղ առևտրի ընթացակարգերը սահմանելու որոշումը և Ախալքալաք–Կարս երկաթուղու բացումը՝ Հայաստանից արտահանումներ և Հայաստան ներմուծումներ իրականացնելու համար։