2 րոպեի ընթերցում
Ճապոնիայի խորհրդարանի վերին պալատը՝ կառավարող և մի քանի ընդդիմադիր կուսակցությունների ձայների մեծամասնությամբ վերջնականապես ընդունել է օրինագիծ՝ վարչապետի և Ազգային հետախուզական վարչության (ԱՀՎ) գլխավորությամբ Ազգային հետախուզական խորհրդի (ԱՀԽ) ստեղծման մասին, որը կզբավի տեղեկատվության հավաքմամբ և մշակմամբ: Ստորին պալատը օրինագծին հավանություն էր տվել ապրիլի 23-ին:
«Արմենպրես»-ի փոխանցմամբ, Ազգային հետախուզական խորհուրդը նախատեսում է աշխատանքն սկսել 2026 թվականի հուլիսին: Բացի վարչապետից դրա կազմի մեջ կմտնեն նախարարական կաբինետի առաջատար անդամներ, ներառյալ գլխավոր քարտուղարը, արտաքին գործերի նախարարը, պաշտպանության, արդարադատության և ֆինանսների նախարարները: Նրանք կընդունեն որոշումներ հետախուզության և հակահետախուզության ոլորտում:
Դրանց գործնական իրականացմամբ կզբաղվի ԱՀՎ-ն, որը նույնպես նախատեսվում է ստեղծել հուլիսին: Դրա ղեկավարը կունենա նախարարի կարգավիճակ: Նոր կառույցը կհամակարգի հետախուզական և հակահետախուզական ստորաբաժանումների գործունեությունը, որոնք արդեն գոյություն ունեն Արտաքին գործերի նախարարության, Պաշտպանության նախարարության, ոստիկանության և Արդարադատության նախարարության շրջանակներում: ԱՀՎ-ն սկզբնապես կունենա մոտավորապես 700 հաստիք:
Խորհրդարանում օրինագծի քննարկման ժամանակ վարչապետ Սանաե Տակաիչին խոստացել է, որ կառավարությունը հետախուզական ծառայությունների ռեսուրսը չի օգտագործի իր քաղաքական նպատակների համար, մասնավորապես՝ ընդդիմության կամ լրատվամիջոցների դեմ: