1 րոպեի ընթերցում
Իրանի արտաքին գործերի նախարարությունը Միացյալ Նահանգներին մեղադրել է հրադադարի խախտման համար՝ հայտնելով, որ Թեհրանն անպատասխան չի թողնի Վաշինգտոնի գործողությունները: «Արմենպրես»-ի փոխանցմամբ՝ այս մասին նշված է Telegram-ում գերատեսչության տարածած հայտարարության մեջ։
«ԱՄՆ-ի բանակը, շարունակելով իր անօրինական և չարդարացված քայլերը, որոնք ձեռնարկվել են հրադադարի հայտարարումից հետո…., վերջին 48 ժամվա ընթացքում աղաղակող ձևով խախտել է հրադադարի ռեժիմը», - ասվում է հայտարարության մեջ։
Գերատեսչությունը նշել է, որ Իրանն «անպատասխան չի թողնի որևէ չարագործություն»:
Մայիսի 26-ին ավելի վաղ Իսլամական հեղափոխության պահապանների կորպուսը (ԻՀՊԿ) հաղորդել է, որ ամերիկյան ինքնաթիռը և անօդաչու թռչող սարքերը ներխուժել են Իրանի օդային տարածք։ ԻՀՊԿ-ն խոցել է MQ-9 մոդելի ամերիկյան ԱԹՍ։