1 րոպեի ընթերցում
Գերմանիայի կանցլեր Ֆրիդրիխ Մերցը հեռախոսազրույց է ունեցել ԱՄՆ նախագահ Դոնալդ Թրամփի հետ, որի ընթացքում կողմերը քննարկել են ուկրաինական կարգավորման գործընթացը և Իրանի շուրջ հակամարտությունը։
«Լավ հեռախոսազրույց ունեցա ԱՄՆ նախագահ Դոնալդ Թրամփի հետ Չինաստանից նրա վերադարձի ժամանակ։ Մենք միասնական ենք մեր դիրքորոշման մեջ. Իրանը պետք է անհապաղ նստի բանակցությունների սեղանի շուրջ։ Այն պարտավոր է բացել Հորմուզի նեղուցը։ Թեհրանին չպետք է թույլատրվի միջուկային զենք ունենալ», - «Արմենպրես»-ի փոխանցմամբ, գրել է Մերցը X-ի իր էջում։
Նա նաև ընդգծել է, որ երկու առաջնորդները քննարկել են նաև Ուկրաինայում իրադրության խաղաղ կարգավորումը և համաձայնեցրել են իրենց դիրքորոշումները Անկարայում կայանալիք ՆԱՏՕ-ի գագաթնաժողովին ընդառաջ։ «ԱՄՆ-ն և Գերմանիան ուժեղ գործընկերներ են ուժեղ ՆԱՏՕ-ում», - գրել է Գերմանիայի կանցլերը։