Անահիտ Մանասյանն ու Վահագն Հովակիմյանը քննարկվել են ընտրական գործընթացներում մարդու իրավունքների պաշտպանությանն առնչվող հարցեր

2 րոպեի ընթերցում

Հայաստանի մարդու իրավունքների պաշտպան Անահիտ Մանասյանն այցելել է Կենտրոնական ընտրական հանձնաժողով, որտեղ հանդիպել է հանձնաժողովի նախագահ Վահագն Հովակիմյանի հետ։

Մարդու իրավունքների պաշտպանին ուղեկցել է «Օրն իրավունքների պաշտպանության առաջնագծում» նախագծի երկրորդ մասնակից Տիգրան Գևորգյանը, ով հետաքրքրված է ընտրական իրավունքի, հաշմանդամություն ունեցող անձանց իրավունքների հետ կապված հարցերով, ակտիվորեն ներգրավված է տարբեր նախաձեռնություններում և կարևորում է երիտասարդների մասնակցությունը հանրային ու ժողովրդավարական գործընթացներին։

«Արմենպրես»-ի փոխանցմամբ՝ ՄԻՊ գրասենյակի տարածած հաղորդագրության մեջ նշվում է, որ այցի շրջանակում Վահագն Հովակիմյանի ուղեկցությամբ իրականացվել է շրջայց Կենտրոնական ընտրական հանձնաժողովում, ներկայացվել են հանձնաժողովի գործունեության հիմնական ուղղությունները, ինչպես նաև ընտրական գործընթացների կազմակերպման առանձնահատկություններն ու աշխատանքային պայմանները։

Հանդիպման ընթացքում Անահիտ Մանասյանը և Վահագն Հովակիմյանը քննարկել են ընտրական գործընթացների համատեքստում մարդու իրավունքների պաշտպանությանն առնչվող մի շարք հարցեր, այդ թվում՝ ընտրական գործընթացներում հաշմանդամություն ունեցող անձանց համար մատչելի միջավայրի երաշխավորմանը։

Տիգրան Գևորգյանը հնարավորություն է ունեցել ԿԸՀ նախագահին ուղղելու իրեն հետաքրքրող հարցերը՝ նախընտրական գործընթացների կազմակերպման, ընտրական գործընթացների ընթացակարգերի և ընտրությունների նկատմամբ հանրային վստահության ապահովման վերաբերյալ։

Վահագն Հովակիմյանը պատասխանել է բարձրացված հարցերին՝ ներկայացնելով Կենտրոնական ընտրական հանձնաժողովի գործունեությանն ու ընտրական գործընթացների կազմակերպմանն առնչվող մի շարք մանրամասներ։

Հայերեն English

ՀՖՖ նախագահի թեկնածուները երկուսն են

«ՀՀ վարչապետի գավաթ» մրցաշարի նպատակներից է առողջ և ազնիվ մրցակցությունը երեխաների շրջանում խթանելը. Փաշինյան

«Հայաստանի AI հնարավորությունը. գաղափարից՝ գործողություն» խորագրով քննարկում

Տելեկոմից մինչև ֆինտեխ, էներգետիկա, լոգիստիկա և ավելին. Team Group-ը Digitec-ում թվային նոր լուծումներ ու հարթակներ է ներկայացնում

Երևանի լողի թիմերը հաղթեցին «ՀՀ վարչապետի գավաթ» դպրոցականների մրցաշարում

Նախարարը հաջողություն է մաղթել դպրոցականների լողի մրցաշարի եզրափակիչ փուլի մասնակիցներին

Հայկ Մարտիրոսյանը «Total Chess World Championship Tour Pilot 2026»-ում զբաղեցրել է 9-րդ հորիզոնականը

ԱրարատԲանկը տեղաբաշխելու է «Ֆարմ Կրեդիտ Արմենիայի»՝ Հայաստանում առաջին սոցիալական պարտատոմսերը

Աբովյան համայնքին է վերադարձվել Հատիս փողոցում գտնվող հողամասը. Գլխավոր դատախազություն

3,79 միլիարդ դոլար՝ մեկ օրում. GTA VI-ը ռեկորդ է սահմանել տեսախաղերի պատմության մեջ