1 րոպեի ընթերցում
«Հանրային կապերի և տեղեկատվության կենտրոն» ՊՈԱԿ-ը հայտնում է, որ կյանքից անժամանակ հեռացել է կենտրոնի աշխատակից, բարձրակարգ թուրքագետ Գևորգ Կալլոշյանը։
Նա նաև «Արմենպրես» լրատվական գործակալության թուրքերեն լրատվության բաժնի թարգմանիչ էր։
«Գևորգը Հայաստանի օրինակելի քաղաքացիներից էր, հայրենիքի նվիրյալ, բարձրակարգ թուրքագետ և հրաշալի մարդ, ով երկար տարիներ անձնվիրաբար ծառայում էր մեր երկրին»,-նշված է ՊՈԱԿ-ի հայտարարության մեջ։
«Արմենպրես»-ի ողջ խմբագրակազմը սգում է իր սիրելի գործընկերոջ անժամանակ մահը, կիսում հարազատների, սիրելիների, ընկերների վիշտը։
Գևորգ Կալլոշյանի հոգեհանգիստը տեղի կունենա մայիսի 7-ին` ժամը 17։00-20։00-ն, «Նարեկ» հոգեհանգստի սրահում` քաղաք Աբովյան (Էդիկ Ավագյան փ. 20 հասցեով)։
Լուսանկարը` Կարսում, ապրիլի 28-ին